Rishikim i literaturës mbi përdorimin e detektorit të pllakës bakteriale në procedurat e higjienës orale

Objektivat
Përdorimi i përditshëm i sistemeve të detektimit të pllakës bakteriale dentare mund të përmirësojë efikasitetin e higjienës orale profesionale dhe shtëpiake. Ky material ka si objektiv ilustrimin e tipologjive të ndryshme dhe karakteristikave të këtij produkti dhe të verifikojë rezultatet klinike të përftueshme.

Materiale dhe metoda
Nga 1914 e deri më sot janë përdorur ngjyrues të ndryshëm për tipologjinë dhe përqendrimin kimik, megjithëse mënyra e tyre e aplikimit ka mbetur e pandryshuar. Në këtë analizë të literaturës janë zgjedhur disa fjalë kyçe, të përkthyera në anglisht dhe të kërkuara në të dyja gjuhët në motorët specifikë të kërkimit. Janë përfshirë artikuj shkencor dhe libra tekstesh në gjuhën italiane dhe angleze, të publikuar duke filluar nga 1970 deri më 2014.

Rezultate
Thjeshtësia e përdorimit dhe mungesa e përqendrimeve e bëjnë detektorin e pllakës të përshtatshëm për të gjithë pacientët bashkëpunues. Artikujt e pakët të pranishëm në literaturën shkencore raportojnë se si detektori i pllakës bakteriale është objekt i mosmarrëveshjeve për sa i përket përdorimit dhe efikasitetit.

Konkluzione
Pavarësisht se nuk ka një provë absolute rreth efikasitetit të përdorimit të një agjenti detektor të pllakës, analizat e literaturës duket se mbështesin se si teknika kolorimetrike është në gjendje të rrisë standardin e kontrollit të pllakës bakteriale dhe motivimin e pacientit. Kjo metodikë mund të konsiderohet një qasje higjienike universale dhe e aplikueshme në të gjitha teknikat higjienike ekzistuese, në të gjithë pacientët bashkëpunues dhe pothuajse nga çdo mjek, duke drejtuar pacientin dhe mjekun drejt zonave dentare të mbuluara nga biofilmi bakterial dhe duke dhënë ndërkohë përgjigje korrekte rreth kohës ideale të larjes me furçë dhe presionit që duhet ushtruar në mënyrë të tillë që të arrijmë një standard të mirë cilësor të higjienës orale. Gama e gjerë e produkteve që janë të disponueshëm sot lejon një zgjedhje të synuar në bazë të kërkesave specifike. Rezulton në fakt logjike të mendojmë për përdorimin e produkteve me një ose dy tonalitete për seanca motivimi ambulatore në individë të rritur dhe bashkëpunues, duke lënë në fakt ato më një tonalitet për përdorimin pedodontik ose më në përgjithësi, më rutinë. Detektorët me bazë fluorscein mund të rezultojnë veçanërisht të këshilluar në nivel shtëpiak sidomos për ata pacientë që kërkojnë më shumë dhe në të cilët vështirësia për të hequr një ngjyrues të dukshëm do të rezultonte bezdisëse, pra demotivuese.

Artikullin origjinal e gjeni duke klikuar këtu.

Përktheu: Erjola Taga