Vërtetohet efikasiteti i SDF kundër kariesit. Më mirë se gërryerja dhe mbushja

A ekziston një kurë për të ndaluar kariesin dhe për të shmangur gërryerjen dhe mbushjen?
Sipas një studimi të prezantuar në Seoul (Kore e Jugut) më 22 qershor në "International Association for Dental Research (IADR) meeting", substanca është SDF (Silver Diamine Fluoride). Një fluorur shumë i përdorur në nivel ndërkombëtar për të trajtuar kariesin.
Ky studim dëshmon kapacitetin që kanë aplikimet lokale të SDF për të ndaluar evoluimin e kariesit pavarësisht nga prania e fluorit të ujërave të pijshëm.
Këtë studim e ka drejtuar profesor Edward Lo i Universitetit të Hong Kong që ka përballur dy kampione popullsie në metropolin Aziatik.

1) 533 rezidentë në qendër të Hong Kong, në një lagje me ujë me përmbajtje fluori, me lezione karioze fillestare
2) 273 rezidentë në Guangzhou, lagje periferike në të cilën ujërat nuk janë me përmbajtje fluori, me 54 lezione karioze fillestare.

Individët janë ndarë në dy grupe:
A) Grupi test me aplikim një herë në vit në lezionin karioz të solucionit me 38% SDF, për 2 minuta në ambient të thatë para larjes së dhëmbëve me furçë.
B) Grupi i kontrollit të cilëve iu injektua një placebo.
Të gjithë pjesëmarrësit në test udhëzohen për higjienën dhe i mundësohet furçë, fill dhe pastë dhëmbësh.

Rezultatet pas 18 muajsh:
1) Rezidentë në Hong Kong (ujëra me përmbajtje fluori):
Grupi A) me SDF 75% e lezioneve karioze të kuruara
Grupi B) me placebo 30% e lezioneve karioze të kuruara
2) Rezidentë në Guangzhou (ujëra pa përmbajtje fluori)
Grupi A) me SDF 87% e lezioneve karioze të kuruara
Grupi B) me placebo 11% e lezioneve karioze të kuruara
Fluorizimi i ujërave, përfundon profesor Edward Lo, duket se nuk ka asnjë influencë statistikisht domethënëse rreth efikasitetit të SDF. Eksperimentimi klinik është akoma në vazhdim dhe priten të dhëna të tjera në distancë.

Nën kujdesin e: Davis Cussotto, stomatolog Twitter@DavisCussotto

Përktheu: Erjola Taga