Diastema mediane: zgjidhja estetike mini invazive

Emanuele Nardelli

Një paciente 35 vjeçare është paraqitur në repartin e stomatologjisë Restaurative duke u ankuar për praninë e një diasteme midis dy incizivëve qendror të sipërm. Tashmë i është nënshtruar trajtimit stomatologjik, mungesa e kontrollit ka sjellë në shfaqjen e problemit. Me refuzimin nga ana e pacientes për të ndërmarrë sërish një zgjidhje stomatologjike, dy restaurime direkte i propozohen si zgjidhja më pak invazive.

Materiale dhe metoda:
Një mock-up direkt është kryer për të zgjedhur masën kompozite që do të përdoret (A1 ceram.x® universal). Pas izolimit të dhëmbëve bëhet gravura me DeTrey® Conditioner 36 sipas instruksioneve të prodhuesit. Më pas adezivi Prime&Bond® XP është aplikuar dhe pas fazës së polimerizimit, ceram.x® universal A1 është përdorur për të reduktuar elementet. Pozicionimi i një furnizimi të vetëm për element dhe modelimi, janë kryer nëpërmjet përdorimit të një spatule të hollë dhe fleksibël. Procedura e rebonding (rilidhjes) është kryer me të njëjtin adeziv të përdorur më parë, kjo për të bërë të mundur parandalimin e mikro-infiltrimeve të mundshme në të ardhmen shkak i çngjyrimit margjinal dhe kariesit sekondar. Si pasazh i fundit sistemi ceram.x® gloss është përdorur për të përfunduar dhe shkëlqyer restaurimet. Të gjitha fotot janë kryer nëpërmjet një trupi makinë full-frame përshtatur për një objektiv makro 150 mm.
Ndriçimi është mundësuar nga dy blice me difuzorët përkatës.

Diskutime dhe konkluzione:
Për të mbyllur një diastemë në një paciente 35 vjeçare me një higjienë të mirë orale, ortodoncia është mundësisht zgjedhja më e mirë. Megjithatë duke parë dështimin e mëparshëm, pacientja ka refuzuar që të ndërmarrë sërish këtë rrjedhë. Restaurimet indirekte janë refuzuar për koston e lartë. Zgjedhja e vetme, si dhe ajo më pak invazive është pra rikonstruksioni direkt në kompozitë i dy elementeve. Zgjidhja e rastit është arritur në një takim të vetëm rreth 1,5 orë falë mock-up-it direkt dhe karakteristikave imituese të kompozitave ceram.x® universal.

Fotografi para ndërhyrjes, vihet re prezenca e diastemës midis 11 dhe 21

Mock-up është kryer për të seleksionuar tonalitetin që duhet përdorur para izolimit me digë gome. Dehidratimi i shkaktuar nga ky i fundit ndikon fortësisht në ngjyrën e dhëmbëve dhe në patejdukshmërinë e tij. Në këtë rast, masa e zgjedhur e kompozitës është ceram.x, universal me krem A1.

Izolimi me digë gome është i detyrueshëm gjatë çdo procedure të tipit adeziv.

Gravura me acid orto-fosforik 36% (De Trey Conditioner 36) është kryer për 30 s mbi sipërfaqet e smaltit.

Një self-priming bonding (Prime Bond XP) është aplikuar në sipërfaqet e gravuara nëpërmjet një mikro furçe. Pas 20 s është fryrë në mënyrë delikate dhe të polimerizuar për 20 s të tjerë.

Ceram.x universal A1 është pozicionuar te dhëmbi i modeluar nëpërmjet spatulës së hollë. E gjithë procedura është kryer me dorë të lirë.

Prime Bond XP është përdorur për procedurën e rebonding për të ulur riskun e mikro-infiltrimeve me pasojat përkatëse. Një cikël final i polimerizimit është kryer për 1 minutë në secilin element.

Një frezë me shumë tehe me 10000 rpm është përdorur për të rregulluar sipërfaqen dhe për ta bërë më homogjene. Më pas sistemi ceram.x gloss është përdorur në 8000 rpm me një presion të lehtë për të përfunduar më tej rikonstruksionet dhe në fund ti shkëlqejë.

Fotografi pas trajtimit, diastema është mbyllur me dy rikonstruksione direkte.

Rasti i paraqitur ka fituar Ceram.x Contest 2015/2016 nismë e Dentsply Italia
Autor: Emanuele Nardelli
Tutor: Prof. Eugenio Brambilla
Universiteti: Università degli Studi di Milano, Departamenti i Shkencave Biomjekësore, Kirurgjikale dhe Stomatologjike, Instituti IRCCS Galeazzi

Përktheu: Erjola Taga