Shpëlarësit e gojës me vajra esencial. Një studim konfirmon efikasitetin kundër gingivitit dhe pllakës bakteriale

Trajtimi me vajra esencial si shtesë e praktikave tradicionale të higjienës dentare sjell një përfitim klinikisht domethënës dhe specifik për çdo njësi: e dëshmon metaanaliza e parë rreth kësaj teme, publikuar në "Jama" nga një grup kërkuesish amerikanë të koordinuar nga Marcelo W. B. Araujo, zëvendës president i "Science Institute" i "American Dental Association".

Rekomandimet që zakonisht kryhen te pacientë në temën e shëndetit oral janë fokusuar deri më tani në metoda mekanike si larja me furçë dhe përdorimi i fillit dentar. Provat e publikuara në literaturën shkencore tregojnë se shpëlarësit e gojës antimikrobikë kanë një efekt pozitiv, por në rishikimin e Araujo është vendosur objektivi specifik për të vendosur në krahasim efikasitetin e përdorimit të metodave mekanike të kombinuara me shpërlarësve me bazë vajra esencial krahasuar vetëm me metodat mekanike.
Është e nevojshme të theksojmë se të gjithë 29 studimet e metaanalizës janë sponsorizuar nga një kompani e njohur farmaceutike që prodhon shpëlarës me vajra esencial, megjithatë autorët kanë ndërfutur kritere shtrënguese në seleksionim, si kohëzgjatja më e madhe se gjashtë muaj dhe mënyra rastësore e kontrolluar me placebo të fshehur ndaj vëzhguesit.

Analiza statistikore e të dhënave ka sjellë në llogaritjen e "odds radio" për pjesëmarrësit që kanë shtuar vajrat esencial në praktikat ditore të pastërtisë mekanike krahasuar me ata që janë limituar me metodat mekanike: ka rezultuar në 5,0 krahasuar me shëndetin gingival dhe në 7,8 lidhur me mungesën e pllakës bakteriale. Kujtojmë se "odds radio" është një masë statistikore që vlerëson lidhjen midis dy ngjarjeve: nëse vlera është 1 lidhja nuk ekziston por në këtë rast vlerat janë pothuajse të larta dhe tregojnë pra një lidhje nga e moderuar në të fortë midis përdorimit të shpëlarësve me vajra esencial dhe shëndetit oral.
Të gjithë pjesëmarrësit e përfshirë në studimet e analizuara paraqisnin në fillim inflamacion gingival (edhe pse jo i rëndë) dhe pllakë dentare por pa shenja të sëmundjes parodontale.

Përveç llogaritjes së "odds radio" autorët kanë analizuar përgjigjet e pacientëve ndaj pyetësorëve përkatës; ka rezultuar se pas gjashtë muajsh përdorimi, dentistët mund të presin rreth 45% të pacientëve me të paktën gjysmën e dhëmbëve të njësive të shëruara nga gingiviti dhe rreth 37% me të paktën gjysmën e njësive pa pllakë bakteriale.

Adelmo Calatroni

(*) Araujo MW, Charles CA, Weinstein RB, McGuire JA, Parikh-Das AM, Du Q, Zhang J, Berlin JA, Gunsolley JC. Meta-analysis of the effect of an essential oil-containing mouthrinse on gingivitis and plaque. J Am Dent Assoc. 2015 Aug;146(8):610-22.

Përktheu: Erjola Taga