Ozon dhe peroksid hidrogjeni, kombinim efikas për zbardhjen e dhëmbëve

Zbardhja me peroksid hidrogjeni 38%, me shtimin e ozonit ka prodhuar rezultate më të mira me hije më të lehta, krahasuar me vetëm peroksidin e hidrogjenit, në një studim të publikuar në "Journal of Dentistry".
Ozoni është një oksidues i fuqishëm, shfaq karakteristika analgjezike, një aktivitet të fortë antimikrobik dhe ka kapacitetin për të stimuluar qarkullimin e gjakut dhe përgjigjen imunitare: pra është me interes shumë të madh në mjekësi dhe stomatologji aq sa mund të sugjerohet për trajtimin e më shumë se 250 patologjive të ndryshme. Në veçanti në stomatologji ozoni përdoret kundra bioflimave bakterial, në dezinfektimin e qeskave parodontale, në parandalimin e trajtimit të kariesit, në trajtimin e pulpës së ekspozuar, në trajtimin kanalar, në heqjen dentare, në rastin e ndjeshmërisë dentinale, dhe në trajtimin e artikulacionit temporomandibular dhe në rrënjët e ekspozuara, në kontrollin e dhimbjes, në halitosis dhe për të favorizuar shërimin e plagëve, rimineralizimin dhe rigjenerimin e indeve.

Për sa i përket përdorimit të ozonit për zbardhjen e dhëmbëve deri më tani kishte pak studime dhe nga rezultatet e diskutueshme, për shembull një kërkim i David Manton i Universitetit të Melbourne nuk ka përftuar përmirësime në efikasitetin zbardhues të peroksidit të karbamidit me shtimin e ozonit ndërsa një eksperimentin i Abd Elhamid dhe Mosallam i Universitetit të Kajros ka treguar se një xhel me ozon ka prodhuar në laborator përmirësime në zbardhjen e kampioneve në rezinë kompozite duke reduktuar ashpërsinë në sipërfaqe dhe është shfaqur më efikas se peroksidi i karbamidit

.
Ky studim i ri përforcon provat pozitive që lidhen me karakteristikat zbardhuese të ozonit. Autorët kanë punuar në 70 elemente dentare të hequr që janë shpërndarë në mënyrë të rastësishme në dy grupe. Sipërfaqet e dhëmbëve të grupit të parë janë trajtuar vetëm me peroksid hidrogjeni 38% për 20 minuta ndërsa në trajtimin e dytë me peroksid është integruar me ekspozimin për 60 sekonda me ozon. Diferenca në heqjen e hijeve të errëta nga sipërfaqja dentinale në këtë rast ka qenë më e lartë duke hapur një mundësi premtuese në përdorimin e ozonit në stomatologji.

Adelmo Calat

roni
Për më tepër: Al-Omiri MK, Abul Hassan RS, AlZarea BK, Lynch E. Improved tooth bleaching combining ozone and hydrogen peroxide—A blinded study. J Dent. 2016 Mar;46:30-5.

Përktheu: Erjola Taga