Implantologjia me ngarkesë të menjëhershme me implante pas heqjes root-form dhe rigjenerimi kontekstual kockor

Rasti klinik
Implantologjia me ngarkesë të menjëhershme ofron avantazhe të rëndësishme funksionale dhe psikologjike për pacientin, por kryerja e saj dhe rezultati klinik i favorshëm janë të lidhura ngushtë me variabla të shumta.
Për një rezultat optimal është fondamentale përzgjedhja e pacientit, cilësia e kockës në njësitë implantare, gjatësia dhe diametri implantar, makro dhe mikro morfologjia implantare, qëndrueshmëria primare implantare, ngarkesa okluzale dhe aftësia e mjekut. Procedurat me ngarkesë të menjëhershme kërkojnë një studim të përshtatshëm tredimensional të kockës dhe të harkatave dentare nën profilin skeletor dhe gnatologjik dhe një sinergji optimale midis kirurgut dhe prosthodontistit. Me këtë duhet të lidhen komponentët implantar që për morfologjinë e implanteve duhet të jenë specifikisht të dedikuar për qëllimin, megjithatë përdorimi i një zëvendësuesi kockor me përpunim total përfaqëson një garanci më shumë suksesi dhe realizon kushtet më të mira biologjike me qëllimin për të përftuar integrimin kockor implantar.
Në rastin klinik të përshkruar nga Autorët përdorimi i implanteve specifik root form (formë e rrënjës) në njësitë pas heqjes për një rehabilitim full arch (harkatë e plotë) me ngarkesë të menjëhershme në lidhje me përdorimin e duhur të një zëvendësuesi kockor ka mundësuar përgjigjen më të mirë për përftimin e qëndrueshmërisë primare, pra për arritjen e integrimit kockor implantar dhe të suksesit klinik të mëtejshëm.

Përshkrimi i rastit
Pacientja 62 vjeçare, pjesërisht pa dhëmbë paraqiste nevojën për rehabilitim të harkatës superiore (Fig. 1). Duke parë kushtet në të cilat hidheshin elementet dentare është vendosur për heqjen e tyre dhe pozicionimin kontekstual implantar me qëllimin për të realizuar një protezë me ngarkesë të menjëhershme të tipit "Toronto".
Janë krijuar dy krahë mukoperiosteal trekëndor të kundërt. Është treguar kujdes me konservimin e kortikaleve vestibulare duke kryer heqje jotraumatike. Është vijuar me realizimin e tuneleve implantare me shkallën e duhur të parapërgatitjes pas vlerësimit të përshtatshëm të cilësisë kockore. Përdorimi i maskës së duhur kirurgjikale bashkë me treguesit e diametrit ka mundësuar një pozicionim të përshtatshëm qendror krahasuar me alveolat pas heqjes së 6 implanteve root form (fig. 2).

Fig. 01: Ortopantomografia prekirurgjikale

Fig. 02: Implantet të pozicionuar

Pas pozicionimit të implanteve është vijuar me gërryerjen e kreshtës së kockës me një frezë profilizimi counter sink, që lidhet me një guidë të qendërzimit në teflon plotësues me lidhjen implantare. Vijohet më pas me pozicionimin e bazave të shpejta me gradë zero duke parë aksin favorizues të pozicionimit implantar mundësuar nga kocka në dispozicion për pesë nga gjashtë implantet dhe një kënd prej 17 gradësh në pozicionin 2.2. Hapësirat midis implanteve dhe alveolave janë shartuar me një zëvendësues kockor kortiko-sfungjeror me kolagjen ekuin (me origjine nga kali), i përftuar prej deantigjenicitetit enzimatik dhe të mbrojtur me membranë në kolagjen. Pas qepjes është vijuar me monitorimin e transferuesve, ndjekur nga gjurma në shkumës, nëpërmjet marrësit të gjurmës në rezinë anatomike me pore. Janë pozicionuar vida shëruese në bazat e shpejta në pritje të protezës provizore që laboratori ka dorëzuar mëngjesin e ardhshëm, kur të 6 implantet i janë nënshtruar ngarkesës së menjëhershme nëpërmjet një proteze të vidhosur (Fig. 3).

Fig. 03: Pamje frontale dhe okluzale e protezës provizore. Në këtë fazë nuk kryhen krahë që i rezervohen protezës përfundimtare 4 muaj pas ngarkesës që do të realizohet me një gjurmë të re.

Pas 5 muajve dhe para gjurmës së re në shkumës është paketuar proteza përfundimtare dhe një bite (kafshim) i butë mbrojtës.

Kontrolli radiografik në distancë tregon ruajtjen e niveleve kockore perimplantar në kohë (Fig. 4).

Fig. 4: Ortopantomografia e kontrollit pas 2 vjetësh që tregon mbajtjen optimale dhe qëndrueshmërinë e indeve të forta dhe të buta.

Kontrolli klinik në 3, 6, 12 dhe 24 muaj ka treguar shëndetin optimal të indeve të forta dhe të buta perimplantar falë edhe mbajtjes korrekte higjienike në shtëpi të kryer nga pacientja.

Përmbledhje nën kujdesin e: Anna Maria Melica, Konsulente Shkencore Dental Cadmos

Përktheu: Erjola Taga