Kariesi sekondar është shkaku më i zakonshëm për dështimin në kohën e restaurimeve në Kompozita. Tre kërkime italiane kanë shqyrtuar këtë temë

(1). Ndër mikroorganizmat kryesor të pranishëm në zgavrën e gojës, Streptokoku mutans (S. mutans) luan një rol kyç në etiologjinë e kësaj patologjie. Në veçanti është parë se ky mikroorganizëm i përmbahet më lehtë kompozitat metakrilat jo plotësisht të polimerizuara, mundësisht për shkak të pranisë së sasive të mëdha të monomerit jo të konvertuar në sipërfaqe.

(2) Një studim interesant in vitro, kohët e fundit ka dëshmuar se si koha e polimerizimit ka një influencë të rëndësishme në zhvillimin e S. mutans në një kompozitë metakrilat por jo në një kompozitë silorianic.

(3) Studimi është kryer në kampionë të përgatitur duke ekspozuar materialet në kohë të ndryshme polimerizimi dhe duke vlerësuar llambat fotopolimerizuese me dy fuqi të ndryshme. Kampionet janë vendosur në inkubacion për 24 orë në një bioreaktor për të bërë të mundur vlerësimin e zhvillimit të S. mutans në kushte të ngjashme me ato in vivo. Një test mekanik ka lejuar më tej përcaktimin e influencës së parametrave të marra në shqyrtim mbi rezistencën e përkuljes së kampionëve, aspekt tejet i rëndësishëm nëse mendojmë për tensionin që materiali mund të pësojë në brendësi të zgavrës së gojës.

Rezultatet kanë evidentuar se si kompozita siloranic tregon performancë shumë të mirë biologjikë për sa i përket reduktimin të zhvillimit të S. mutans edhe për kohë të reduktuara të polimerizimit; kjo pa kompromentuar karakteristikat mekanike të shfaqura vetëm lehtësisht më inferiore me ato të kompozitës metakrilat. Zgjedhja e një kompozite siloranic mund të rezultojë fituese me qëllimin për të limituar zhvillimin e kariesit sekondar.

Nën kujdesin e: Lara Figini, Koordinatore Shkencore Odontoiatria33

Për më tepër:
1. J Dent Res. 2016 Feb;95(2):152-9. Detecting Proximal Secondary Caries Lesions: A Cost-effectiveness Analysis. Schwendicke F, Brouwer F, Paris S, Stolpe M.
2. Dent Mater. 2009 Sep;25(9):1067-72. The influence of light-curing time on the bacterial colonization of resin composite surfaces. Brambilla E, Gagliani M, Ionescu A, Fadini L, García-Godoy F.
3. Oper Dent. 2016 Mar-Apr;41(2):219-27. Influence of Light-curing Parameters on Biofilm Development and Flexural Strength of a Silorane-based Composite. Ottobelli M, Ionescu A, Cazzaniga G, Brambilla E.

Përktheu: Erjola Taga