Lidhja midis Sindromës së gojës që djeg, ankthit dhe depresionit

Sindroma e gojës që djeg (BMS) është një gjendje kronike në të cilën pacientët ankohen për djegie, kruajtje në nivel kaviteti oral në mungesë të një shkaku organik.
Dhimbja e raportuar nga pacientët mund të jetë një djegie e fortë, ndjesi shpuese apo djegieje, bilaterale, me kohëzgjatje të paktën 4-6 muaj, e vazhdueshme gjatë ditës që nuk përkeqësohet duke ngrënë apo duke pirë dhe që nuk ndikon te gjumi. Me këto karakteristika klinike, të vendosur për të realizuar diagnozën e BMS, i shtohen të tjera karakteristika, zakonisht prezente por jo esenciale për diagnozën si:
- disgeusia (ndryshim i shijes)
- kserostomia
- ndryshime shqisore apo kemosensoriale
- ndryshime të humorit apo çrregullime psikopatologjike

Është klasifikuar si "primare" apo idiopatike kur asnjë shkak organik nuk është hasur dhe "sekondare" kur është pasojë e sëmundjeve sistemike, lokale apo metabolike.
Studime të kohëve të fundit kanë sugjeruar se ankthi dhe depresioni janë shpesh komorbiditet në BMS, por a lidhen edhe me simptomat specifike të BMS?
Në një analizë eksploruese të një studimi të publikuar në "ACTA ODONTOLOGICA SCANDINAVICA" të maj 2016 është treguar lidhja midis ankthit të gjeneruar dhe depresionit pikërisht me simptomat e vetme të BMS dhe është gjetur lidhja.

41 pacientë janë rekrutuar nga autorët në dy grupe (30 me BMS dhe 11 me patologji të tjera orale), të dy grupet nuk ndryshonin në mënyrë domethënëse në përqindjen e femrave (90% kundrejt 82%), as në moshë, as në duhanpirës (2 kundrejt 1) ose në prani të protezave dentare (3 kundrejt 2). Pjesëmarrësit me BMS merrnin në pjesën më të madhe barna psikotrope ( 9 kundrejt 0) dhe barna jo psikotrope (21 kundrejt 11), por diferenca nuk ishte domethënëse nga ana statistikore.
Pacientët në terapi me psikobarna merrnin antidepresivë treciklikë (nortriptyline n=3, amitriptilina, n=1), SSRI (citalopram n=1), benzodiazepina diazepam dhe temazepam të kombinuara (n=1), zopiclone (n=1), gabapentin (n=1), flupentixol (n=1) dhe triptofan (n=1).
Autorët kanë vlerësuar simptomat specifike të BMS dhe intensitetin e tyre. Ankthi dhe depresioni janë vlerësuar duke përdorur një masë të standardizuar (Clinical Interview Schedule-Revised).
Nga rezultatet e përftuara në këtë studim është konstatuar se çrregullimi i shijes, shija metalike dhe ndjesia se keni një fletë plastike në gingiva ishin të lidhura me simptomat psikiatrike. Më në veçanti, shija metalike dhe ndjesia e fletës plastike në gingiva janë rezultate që lidhen në mënyrë domethënëse më të lartë me simptomat depresive; çrregullimi i shijes, era e keqe dhe frika e sëmundjeve të rënda lidhen në shumicën e rasteve me ankthin.
Dentistët duhet të jenë të vetëdijshëm për lidhjen e disa simptomave të BMS me ankthin dhe depresionin e pacientëve të tyre dhe nëse është e nevojshme të merret në konsideratë këshillimi mjekësor me kolegë psikiatër në trajtimin e pacientëve të prekur nga BSM.

Nën kujdesin e: Lara Figini, Koordinatore Shkencore Odontoiatria33

Bibliografia:
Acta Odontol Scand. 2016;74(2):155-60. Individual oral symptoms in burning mouth syndrome may be associated differentially with depression and anxiety. Davies SJ, Underhill HC, Abdel-Karim A, Christmas DM, Bolea-Alamanac BM, Potokar J, Herrod J, Prime SS.

Përktheu: Erjola Taga