Marrëdhënie e ngushtë midis obezitetit dhe humbjes së kockës alveolare: zbulim i një studimi amerikan në laborator

Obeziteti është një sëmundje sistemike e karakterizuar nga një formë thelbësore e çekuilibrit midis marrjes së kalorive/ energjisë dhe konsumit të tyre (Pi-Sunyer et al. 1998). Në dekadat e fundit është parë një prevalencë në rritje e obezitetit me 2,1 miliard persona të klasifikuar si mbi peshë apo obezë në 2013 (Nge et al. 2014). Obezitetit është i lidhur me një shtim të riskut për sëmundje kardiovaskulare, diabet të tipit 2, kancer, astmë dhe osteoartrit (al. Guh et 2009). Studime epidemiologjike kanë evidentuar përveç lidhjes midis sëmundjes parodontale dhe obezitetit (Chaffee e Weston 2010; Suvan era l 2011) dhe kanë treguar se obeziteti është i dyti në rend, vetëm për shkak të tymit të cigares, si faktor risku për shkatërrimin e indeve parodontale në rend inflamacioni (Nishida et al. 2005).

Studime të ndryshëm te kafshët kanë eksploruar lidhjen midis obezitetit dhe sëmundjes parodontale dhe më në detaj në një studim laboratorik amerikan të publikuar në "Journal of Dental Reasearch" shkurt 2016 është dëshmuar se shkatërrimi i kockës alveolare nxitur nga kontaminimi bakterial është më i lartë te kafshët obeze krahasuar me kafshët në peshë normale.

Autorët kanë marrë në konsideratë minj meshkuj 4 javësh C57BL / 6 (10 për çdo grup) dhe i kanë ndarë në mënyrë rastësore në një nga grupet e mëposhtëm:
- Grupi 1: në të cilin minjtë i janë nënshtruar një diete të pasur me yndyrna [acid palmitik (PA) apo acid oleik (OA)] (HFD) (20% kalori nga acide yndyrore FA) për 16 javë.
- Grupi 2: në të cilin minjtë i janë nënshtruar një diete kalorike normale (10% kalori nga FA) për 16 javë.
Duke filluar nga java e 10, minjtë janë infektuar në rrugë orale me P. Gingivalis (W50) apo placebo për të nxitur humbjen e kockës alveolare. Kafshët pra janë sakrifikuar dhe janë matur përqindjet e dhjamit, inflamacionit (faktor i nekrozës tumorale [TNF] - α) dhe i markatorëve të metabolizmit kockor.
Rezultatet e përftuara nga autorët kanë evidentuar se kafshët që i janë nënshtruar dietës FA - të pasur peshonin në mënyrë të ndjeshme më shumë, krahasuar me kafshët që i ishin nënshtruar një diete normale në raport kalorik (P <0.05).
Humbja kockore alveolare ka dëshmuar se është në mënyrë domethënëse më e lartë te kafshët që i janë nënshtruar dietës HFD PA-të pasur (P <0.05).

Megjithatë osteoklastet kanë treguar një përgjigje inflamatore të shtuar për P. Gingivalis në prezencë të niveleve të PA dislipidemike në kundërshtim me kulturat OA që janë përgjigjur në mënyrë të njëjtë gjatë kontrolleve.
Nga rezultatet e këtij kërkimi laboratorik amerikan te minjtë, vërtetohet se shtimi në pëshë edhe vetëm obeziteti mund të jenë në gjendje të modulojnë metabolizmin kockor dhe për më tepër mund të influencojnë humbjen e kockës alveolare. Sigurisht janë të nevojshëm studime klinike in vivo në njerëz, për të konfirmuar rezultatet mbi njeriun.

Nën kujdesin e: Lara Figini, Koordinatore Shkencore Odontoiatria33

Bibliografia:
- Pi-Sunyer FX, Becker DM, Bouchard C, Carleton RA, Colditz GA, Dietz WH, Foreyt JP, Garrison RJ, Grundy SM, Hansen BC, et al. 1998. Clinical guidelines on the identification, evaluation, and treatment of overweight and obesity in adults: executive summary. Expert Panel on the Identification, Evaluation, and Treatment of Overweight in Adults. Am J Clin Nutr. 68(4):899-917.
- Ng M, Fleming T, Robinson M, Thomson B, Graetz N, Margono C, Mullany EC, Biryukov S, Abbafati C, Abera SF, et al. 2014. Global, regional, and national prevalence of overweight and obesity in children and adults during 1980-2013: a systematic analysis for the Global Burden of Disease Study 2013. Lancet. 384(9945):766-781.
- Guh DP, Zhang W, Bansback N, Amarsi Z, Birmingham CL, Anis AH. 2009. The incidence of co-morbidities related to obesity and overweight: a systematic review and meta-analysis. BMC Public Health. 9:88.
- Chaffee BW, Weston SJ. 2010. Association between chronic periodontal disease and obesity: a systematic review and meta-analysis. J Periodontol. 81(12):1708-1724.
- Suvan J, D'Aiuto F, Moles DR, Petrie A, Donos N. 2011. Association between overweight/obesity and periodontitis in adults: a systematic review. Obes Rev. 12(5):e381-e404.
- Nishida N, Tanaka M, Hayashi N, Nagata H, Takeshita T, Nakayama K, Morimoto K, Shizukuishi S. 2005. Determination of smoking and obesity as periodontitis risks using the classification and regression tree method. J Periodontol. 76(6):923-928.
- J Dent Res. 2016 Feb;95(2):223-9.. Diet-Induced Obesity and Its Differential Impact on Periodontal Bone Loss. Muluke M, Gold T, Kiefhaber K, Al-Sahli A, Celenti R, Jiang H,Cremers S, Van Dyke T, Schulze-Späte U.

Përktheu: Erjola Taga