Zbardhimi i dhëmbëve. Faktorë të ndryshëm kushtëzojnë efikasitetin

Te pacientë më të rinj dhe me dhëmbë më të errët zbardhimi i dhëmbëve është më efikas, ndërsa pacientët me dhëmbë më të errët që i janë nënshtruar trajtimit të zbardhimit në kushte shtëpie shfaqin rrezik më të ulët për një ndjeshmëri shumë të lartë të dentinës. Janë këto konkluzionet kryesore të një studimi të drejtuar nga kërkues të Universitetit shtetëror të Ponta Grossa në Brazil, që janë propozuar të identifikojnë faktorët parashikues që lidhen me efikasitetin dhe rreziqet e procedurave të zbardhimit dentar. Për këtë qëllim autorët kanë marrë në shqyrtim rezultatet e 11 studimeve të publikuara nëpër literatura rreth këtij argumenti dhe kanë bërë një analizë të kombinuar.

Për sa i përket pacientit, janë konsideruar në mënyrë të pavarur variabla të ndryshme: seksi, mosha, ngjyra e dhëmbëve para trajtimit (duke vlerësuar në bazë të Njësisë Treguese të Hijes - Sgu), përveç tipit të teknikës së zbardhimit që është përdorur, në klinikë apo shtëpi.
Rezultatet e analizave kanë dëshmuar një lidhje domethënëse në ndryshimin e ngjyrës shkaktuar nga procedura e zbardhimit dhe ngjyra fillestare e dhëmbëve dhe një korrelacion analog me moshën e pacientit: në veçanti për çdo vit moshe më shumë autorët kanë vëzhguar një zvogëlim të shkallës së zbardhimit, mesatarisht 0,07 pikë të shprehura sipas Sgu.

Edhe pse ngjyra e dhëmbit përcaktohet kryesisht nga ajo e dentinës, që është një nënshtresë organike, autorët hamendësojnë se efikasiteti i madh që përftohet nga zbardhja e dhëmbëve të zverdhur mund të ndikojë në prezencën e më shumë substancave organike që reagojnë ndaj veprimit oksidues të peroksidit të hidrogjenit. Fakti që dhëmbët e të moshuarve reagojnë më pak pozitivisht ndaj veprimit të zbardhuesit mund të jetë në fakt atribut i modifikimeve fiziologjike që ndodhin në indet dentare gjatë plakjes.
Gjithashtu është dokumentuar një efikasitet lehtësisht më i lartë në zbardhjet e kryera në klinika se sa në ato shtëpiake dhe te femrat krahasuar me meshkujt: te këta të fundit duke qenë se kërkuesit brazilianë nuk kanë arritur të hamendësojnë shpjegime të mundshme, janë limituar me disa këshilla të njohura.
Edhe mënyra e injektimit të zbardhuesit ka treguar se mund të influencojë në rezultatet përfundimtare, më shumë se në vetë efikasitetin e zbardhimit, në një nga efektet e mundshme anësore të tij si ndjeshmëria shumë e lartë e dentinës; nëse në procedurat e kryera të zbardhimit në klinikë dentare shqetësimi është regjistruar në 62,9% të rasteve, kjo përqindje është reduktuar në 51% në trajtimet shtëpiake. Autorët paralajmërojnë që të tregohet kujdes nga kjo e dhënë që mund të derivojë nga përdorimi i përqendrimeve të ndryshme të peroksidit të hidrogjenit.

Adamo Calatroni

Për më tepër: Rezende M, Loguercio AD, Kossatz S, Reis A. Predictive factors on the efficacy and risk/intensity of tooth sensitivity of dental bleaching: A multi regression and logistic analysis. J Dent. 2016 Feb;45:1-6.

Përktheu: Erjola Taga