Terapia antibiotike dhe antimikrobike lokale në terapinë parodontale. Rishikim i literaturës

G.P. Patianna, N.A. Valente, S. Andreana, A. D'Addona

Ky rishikim ka si qëllim të sigurojë një raport narrativ mbi punimet më të fundit shkencore të publikuara në literaturë duke patur si objekt përdorimin e agjentëve antibiotikë dhe antimikrobikë lokalë si shtesë e terapisë shkakore parodontale, në mënyrë që të propozohet një përditësim mbi provat e fundit shkencore përsa i përket avantazheve dhe kufizimeve dhe rezultateve klinike të marra nëpërmjet përdorimit të tyre.

Është kryer një rishikim i literaturës duke përdorur PubMed, Medline dhe Google Scholar dhe duke përfshirë punimet e publikuara në revista me punime profesionale nga janari 2009 deri në dhjetor 2014.
Terapia antibiotike dhe antimikrobike lokale mund të paraqesë një mjet efikas në trajtimin e patologjisë parodontale. Duke qenë se nuk zëvendëson terapinë mekanike, paraqet një ndihmë të dobishme, duke evituar shumë kundër indikime që terapia antibiotike sistemike mund të sjellë.

Terapia antibiotike dhe antimikrobike lokale është efikase në trajtimin e patologjive parodontale kur merret si shtesë e terapisë mekanike. Sipas gjykimit të autorëve, përdorimi i agjentëve të tillë duhet të preferohet në rastet e lezioneve akute të lokalizuara në pjesë të veçanta jo përgjegjëse për terapinë shkakore, gjithmonë pas një heqje të gurëzave dhe një planifikimi të rrënjëve të sipërfaqeve që preken nga procesi patologjik. Megjithatë, në ditët e sotme, nuk është e mundur të vendosen udhëzimet mbi përdorimin e agjentëve të tillë në konsideratë me heterogjenitetin e protokolleve të aplikuara në studime të ndryshme dhe nga mungesa e një konsensusi të pranuar nga komuniteti shkencor.

Përktheu: Valbona Spahia