Aplikimi ditor i fluorit si masë parandaluese kundrejt kariesit

JADA, revista shkencore e ADA (American Dental Association) ka publikuar në një nga numrat e saj rekomandimet klinike të vërtetuara nga një grup ekspertësh për përdorimin ditor të fluorit për parandalimin e kariesit.

Gjatë njoftimit, ADA thekson sesi për herë të parë, këto rekomandime janë përditësuar sipas një rishikimi sistematik të studimeve klinike.
Në mënyrë të përmbledhur rekomandimet që duhet t'i këshillohen pacientëve me rrezik për karies janë si më poshtë:
A) Përdorimi në shtëpi i një xheli me bazë fluori me 0,5% ose pastë dhëmbësh ose shpëlarës me 0,09% fluor (pacientët mbi 6 vjeç).
B) Aplikimet e një produkti nga ana e stomatologut me 2,26% fluor ose i një xheli me fluor në një përqendrim 1,23 % çdo 3-6muaj.

"Më bëhet qejfi që ADA këshillon një masë parandaluese që grupi i drejtuar nga prof. Laura Strohmenger dhe i koordinuar nga Eugenio Brambilla në Universitetin e Milanos, ka publikuar shkencërisht në vitin 1999" - thotë prof. Massimo Gagliani, drejtor shkencor i Odontoiatria33.
"Për të verifikuar efikasitetin e kësaj mase parandaluese - në atë punim shkencor - u kryen aplikimi të fluorit në grupe fëmijësh në shkollë çdo 6 muaj, një masë absolutisht minimale. Rezultatet ishin interesante: tek individët me rrezik të ulët ndaj kariesit, ishte shumë efikas, ndërsa tek ata me rrezik të lartë efikasiteti në 5vjet ishte modest."

"Problemi i vërtetë" - vijon profesori - "është vendosja nëse një person është në rrezik për karies, (nëpërmjet llogaritjes së streptokokëve, masës së fluksit të pështymës, zakoneve ushqimore etj.) gjë të cilën ADA nuk e specifikon duke vendosur përballë një trajtimi të tepruar të pacientëve nga ana e dentistëve, duke dashur të jenë provokatorë.
Në të vërtetë, sapo inkuadrohet rreziku i përgjithshëm i kariesit, individi mund të shkojë në programin A: përdorimi i butë ditor i fluorurit edhe në shtëpi ose Programi B (rreziku): përdorimi profesional i fluorurit dhe kontrolli periodik."

Profesor Gagliani përfundon duke thënë se: - "30% e popullsisë sipas sondazheve është në rrezik për tu sëmurur rëndë nga kariesi. Dhe është gjithashtu e vërtetë se në ditët e sotme, në realitete si ai milanez mbi 55% e fëmijëve nën 12 vjeç janë pa karies."

Përktheu: Valbona Spahia