Shpëlarësit e gojës me bazë fitokompleksesh dhe ekstrakte bimore për mbrojtjen kundër demineralizimit të smaltit

G. Pitzolu, B. De Carlo, F. Foschi, S. Zanna, G. Valdrè, R. Mongiorgi, S. Sauro

Pjesa minerale e smaltit të dhëmbëve mund të dëmtohet nga faktorë të shumtë kimik që lidhen me një marrje jo korrekte të ushqimeve dhe pijeve me pH të ulët dhe nga mjedisi acid i gjeneruar nga metabolizmi i baktereve të pllakës bakteriale. Këto faktorë përcaktojnë shpërbërjen e apetitit dentar me pasojë demineralizimin e indeve dentare. Acidi laktik është një nga produktet kryesore të metabolizmit të baktereve të pllakës bakteriale që është përgjegjëse për formimin e kariesit. Ndërsa acidi citrik është i pranishëm në ushqime të ndryshme si frutat, zarzavatet dhe pijet (veçanërisht te lëngjet e frutave dhe te pijet e gazuara) dhe është në bazë të proceseve gërryese të dhëmbëve.

Qëllimi i këtij studimi ishte vlerësimi i aftësisë mbrojtëse i një shpëlarësi inovativ me bazë Lapacho dhe Mastic Chios kundër demineralizimit të smaltit të kryer nga acidet bakteriale dhe ushqimore.
Gjashtëmbëdhjetë çifte fragmentesh homologe të smaltit që vijnë nga dhëmbët e njerëzve të shëndetshëm janë trajtuar me shpërlarës ose me ujë të çjonizuar dhe i janë nënshtruar trajtimeve të demineralizimit në acid citrik dhe laktik. Vlerësimi sasior i joneve të kalciumit dhe joneve të fosfatit është kryer nëpërmjet spektrometrisë me rreze ultravjollcë. Analiza ultra - morfologjike e smaltit është kryer nëpërmjet SEM.

Testi i spektrofotometrisë me rreze ultravjollcë dhe analiza ultra-morfologjike nëpërmjet SEM kanë treguar aftësinë mbrojtëse të shpëlarësve me bazë Lapacho dhe Chios Mastic kundër demineralizimit të smaltit.
Përdorimi i përditshëm i shpëlarësve me bazë fitokompleksesh të Lapacho dhe Mastic Chios mund të kontribuojë në mbrojtjen e smaltit kundër demineralizimit me origjinë bakteriale dhe ushqimore.

Materialin e plotë e gjeni në sektorin Të ndryshme nga dentistria në Download Center.

Përktheu: Valbona Spahia