Fëmijët e prekur nga labio - palatoskizi janë më shumë në rrezik për t'u prekur nga kariesi? Provat nga literatura

Labioskizis dhe/ose palatoskizi (CL (P)) është deformimi i lindur më i zakonshëm cranio-facial, që paraqitet me një ndërprerje pak a shumë të madhe të buzës së sipërme, nga gingivat, nga qiellza dhe nga hunda. Nëse ka të bëjë vetëm me buzën flitet për labioskizis, nëse ka të bëjë me qiellzën flitet për palatoskizi dhe nëse ka të bëjë me buzën dhe hundën flitet për naso-labioskizis. Në shumicën e rasteve labio - palatoskizi është e njëanshme, e djathtë ose e majtë. Të tilla keqformime, në një të tretën e rasteve, janë të dyanshme.

Ka një incidencë me 1 rast në çdo 800 fëmijë.
Lidhja midis CL (P) dhe kariesit te fëmijët nuk është shumë e qartë, por një seri studimesh tregojnë një përhapje më të lartë te fëmijët me palatoskizi të ndryshme në krahasim me kontrollet e shëndetshme [Dahllof 1989; Sundell 2015]. Faktorë të ndryshëm mund të kontribuojnë në këtë ndjeshmëri, si higjiena e ndryshuar orale [Copra 2014; Wong 1998], hipoplazia e smaltit [Gomes 2009, Maciel 2005] dhe kolonizimi i hershëm i mikroorganizmave. Kësaj mund t'i shtohet edhe tendenca e prindërve të këtyre fëmijëve me CL (P) për ta tepruar me ushqime të ëmbla dhe me ushqime të thata si kompensim për gjendjen mjekësore të fëmijëve të tyre.

Në një studim të publikuar si BMC Oral Health në korrik 2015 hetohet pikërisht nëse te fëmijët e prekur nga labio dhe/ose palatoskizi verifikohet një incidencë më e madhe me karies në krahasim me fëmijët e shëndetshëm. Në këtë studim janë krahasuar 133 fëmijë me labio dhe/ose palatoskizi CL (P) (77 individë të moshës 5 vjeç dhe 56 individë të moshës 10 vjeç) dhe 297 kontrolle të shëndetshme (133 me moshë 5 vjeç dhe 164 me moshë 10 vjeç). Është përdorur një pyetësor për të mbledhur të dhënat përsa i përket zakoneve të higjienës orale në shtëpi, zakonet e të ushqyerit të fëmijës dhe ekspozimi ndaj fluorit. Higjiena orale është vlerësuar duke përdorur treguesin e pllakës bakteriale Quigley - Hein dhe përhapja dhe shpeshtësia e kariesit janë regjistruar, sipas Zbulimit Ndërkombëtar të Kariesit dhe Sistemi i Vlerësimit. Janë marrë dhe janë analizuar kampionë pështyme për të vendosur përqendrimin e streptococcus mutans, laktobacileve, aftësia për të bllokuar dhe xhepi i sekrecioneve.
Faktorët dhe profilet e rrezikut janë krahasuar midis grupeve me mbështetjen e Cariogram dhe rreziku për kariesin në të ardhmen është klasifikuar si "i lartë" dhe "i ulët". Cariogram është një software vlerësimi i rreziqeve dhe ofron një model të bazuar në një algoritëm të ndërtuar mbi dhjetë faktorë të ndryshëm rreziku për kariesin, për të nxitur impaktin e faktorëve të rrezikut dhe për të llogaritur mundësinë për të shmangur kariesin në të ardhmen.

Nga rezultatet e studimit del se fëmijët me CL (P) (i gjithë grupi i studimit) pretendonin një llogaritje në mënyrë të konsiderueshme më të lartë të laktobacileve në pështymë (p<0.05) dhe një higjienë orale më të dobët (p<0.05). Te fëmijët deri në 10 vjeç në (P) e grupit CL është gjetur një normë e ulët e sekrecioneve të pështymës por diferenca në krahasim me grupin e shëndetshëm nuk rezulton në mënyrë statistikore e rëndësishme. Probabiliteti për të qenë i kualifikuar dhe me rrezik të lartë të kariesit të grupit CL (P) ka rezultuar në mënyrë të konsiderueshme e lartë (OR = 1.89; 95% CI = 1,25-2,86).
Nga ky studim del se te fëmijët e prekur nga labio dhe/ose palatoskizi deri në 5 dhe 10 vjeç verifikohet një rrezik më i lartë për karies, një higjienë orale më e dobët dhe një përqendrim më i lartë i laktobacilit në pështymë në krahasim me fëmijët e shëndetshëm në të njëjtën moshë. Ja përse është mirë të përshtaten masa parandaluese më të mëdha për këto fëmijë dhe të kujdesen më shumë për higjienën orale në shtëpi.

Nën kujdesin e: Lara Figini, Koordinatore Shkencore e Odonotoiatria33

Bibliografia:
- Dahllöf G, Ussisoo-Joandi R, Ideberg M, Modeer T. Caries, gingivitis, and dental abnormalities in preschool children with cleft lip and/or palate. Cleft Palate J. 1989;26:233-7. discussion 237-8.
- Sundell AL, Nilsson AK, Ullbro C, Twetman S, Marcusson A. Caries prevalence and enamel defects in 5- and 10-year-old children with cleft lip and/or palate: A case-control study. Acta Odontol Scand. 2015;14:1-6.
- Chopra A, Lakhanpal M, Rao NC, Gupta N, Vashisth S. Oral health in 4-6 years children with cleft lip/palate: a case control study. N Am J Med Sci. 2014;6:266-9.
- Wong FW, King NM. The oral health of children with clefts-a review. Cleft Palate Craniofac J. 1998;35:248-54.
- Gomes AC, Neves LT, Gomide MR. Enamel defects in maxillary central incisors of infants with unilateral cleft lip. Cleft Palate Craniofac J. 2009;46:420-4.
- Maciel SP, Costa B, Gomide MR. Difference in the prevalence of enamel alterations affecting central incisors of children with complete unilateral cleft lip and palate. Cleft Palate Craniofac J. 2005;42:392-5.
- Comparing caries risk profiles between 5- and 10- year-old children with cleft lip and/or palate and non-cleft controls. Sundell AL, Ullbro C, Marcusson A, Twetman S. BMC Oral Health. 2015 Jul 25;15:85

Përktheu: Valbona Spahia