Pajisje me reaktiv bikarbonat dhe me reaktiv pluhur. Vlerësimi i efikasitetit të heqjes së pllakës dhe kujdesi për indin e gingivave

Prej vitesh metodikat normale të higjienës të kryera nga profesionisti parashikojnë shpeshherë përdorimin e pajisjeve për lustrimin me reaktiv me ajër me bazë bikarbonati.

Lara Figini

Prej vitesh metodikat normale të higjienës të kryera nga profesionisti parashikojnë shpeshherë përdorimin e pajisjeve për lustrimin me reaktiv me ajër me bazë bikarbonati.
Këto pajisje me reaktiv me bikarbonat natriumi janë treguar shumë të efektshëm për heqjen e pllakës mbi gingiva dhe të njollave nga duhani, kafja etj. Duke kërkuar më pak kohë në krahasim me mjetet manuale ose ato me rrotullim.
Megjithatë, disa studime në literaturë vënë në dukje që këto metodika me reaktiv bikarbonati ndonjëherë mund të rezultojnë shumë gërryese dhe të shkaktojnë lezione të indeve të buta (Atkinson 1984, Petersilka 2003).
Kohët e fundit pra është futur në treg një sistem lustrimi me reaktiv me ajër me një pluhur që përbëhet nga një kripë me bazë glicine, që duket se është më pak gërryese sesa bikarbonati.
Një studim i fundit i publikuar te International Journal of Dental Hygiene në gusht 2015 ka treguar se pajisja për lustrim me reaktiv glicine (GPAP) garanton një heqje më efikase të pllakës, duke çuar në një tregues më të mirë të gingivave dhe histologjikisht shkakton më pak gërryerje të gingivave në krahasim me sistemin me bazë bikarbonati (SBAP) ose me sistemin me mjete me ultratinguj, duke mbështetur së fundmi sigurinë e kësaj teknike në terapitë e mbajtjes parodontale.
Autorët e këtij studimi kanë marrë në konsideratë 22 pacientë të prekur nga parodontiti kronik me xhepa parodontal me thellësi 5 mm dhe që për disa arsye kishin nevojë për terapi parodontale. Këto 22 pacientë i janë shënuar në mënyrë rastësore te një nga grupet e mëposhtme të ndërhyrjes:
- 1 GPAP (test), ku është përdorur sistemi i lustrimit me bazë reaktivi glicine
- 2 SBAP (kontroll pozitiv), ku është përdorur sistemi i lustrimit me bazë reaktivi bikarbonat
- 3 ku është përdorur sistemi tradicional me ultratinguj (kontrolli pozitiv)
- 4 ku nuk është kryer asnjë trajtim.
Autorët kanë vlerësuar parametrat klinikë dhe kanë kryer biopsi të gingivave menjëherë pas instrumentimit shw i kanë analizuar në mikroskop. Tabela 1 ilustron kriterin e vlerësimit histologjik të lezioneve ose dëmeve gingivale që janë parë.

Rezultati	Vlerësimi në mikroskop i ndryshimeve të indit
Rezultati 1	Asnjë lezion: asnjë dëmtim i epitelit dhe indit lidhës
Rezultati 2	Lezion i lehtë: shkatërrim i shtresës sipërfaqësore të epitelit por asnjë dëmtim i membranës bazë
Rezultati 3	Lezion i moderuar: shtresa sipërfaqësore i epitelit e hequr dhe membrana bazë pjesërisht e dëmtuar
Rezultati 4	Lezion i rëndë: shtresa epiteliale dhe membrana bazë plotësisht e hequr dhe indi lidhës i ekspozuar

Nga rezultatet e marra në këtë studim është parë që sistemi me reaktiv glicine (GPAP) përveçse garanton një heqje më të mirë të pllakës bakteriale dhe si pasojë një tregues më të mirë të pllakës, shkakton një gërryerje më të vogël të epitelit të gingivave (rezultati 1 dhe 2), në krahasim me atë që është marrë te kampionët e kontrollit pozitiv (SBAP) të karakterizuar nga gërryerje të moderuara dhe të rënda të gingivave (rezultati 3 dhe 4).
Sistemi që parashikon përdorimin e pajisjeve me reaktivë me glicinë pluhur (GPAP) rezulton shumë më efikas për heqjen e biofilmit nëse e krahasojmë me sistemeve me reaktiv bikarbonati (SBAP). Përveç kësaj është pothuajse po aq efikase sa metodika tradicionale me ultratinguj. GPAP ka edhe një efekt më të shtruar tek indet e buta dhe shkakton më pak gërryerje të gingivave në krahasim qoftë me ultratingujt qoftë me bikarbonatin.

Nën kujdesin e: Lara Figini, Koordinatore Shkencore e Odontoiatria33

Bibliografia:
- Atkinson DR, Cobb CM, Killoy WJ. The effect of an air-powder abrasive system on in vitro root surfaces. J Periodontol 1984; 55: 13-18.
- Petersilka GJ, Bell M, Mehl A, Hickel R, Flemmig TF. Root defects following air polishing. J Clin Periodontol 2003; 30: 165-170.
- Efficacy of glycine powder air polishing in comparison with sodium bicarbonate air polishing and ultrasonic scaling - a double-blind clinico-histopathologic study. Simon CJ, Munivenkatappa Lakshmaiah Venkatesh P, Chickanna R. Int J Dent Hyg. 2015 Aug;13(3):177-83.

Përktheu: Valbona Spahia