Oksidi i zirkonit me strukturë katërkëndëshe

Futja në tregun stomatologjik e zirkonit Y – TZP ka hapur kufij të rinj përsa i përket estetikës dhe bio – përputhshmërisë së materialeve dentare. Pasi është analizuar më parë aftësia e materialit për të rezistuar ndaj forcave maksimale

L.Mora, S.Vittoni, C.Passariello, P.Gigola

Futja në tregun stomatologjik e zirkonit Y - TZP ka hapur kufij të rinj përsa i përket estetikës dhe bio - përputhshmërisë së materialeve dentare. Pasi është analizuar më parë aftësia e materialit për të rezistuar ndaj forcave maksimale (rezistenca statike) dhe aftësia për të duruar aplikime të përsëritura me forca më të vogla se ajo e thyerjes (rezistenca e lodhjes), në këtë fazë është dashur të verifikohet aftësia e materialit për t'ju bashkangjitur një mbështetjeje qeramike (rezistenca e prerjes).

Për të përcaktuar këtë karakteristikë, është përcaktuar një protokoll i ri prove, për t'u aplikuar në provëza specifike në formë cilindrike me veshje qeramike në bazë zirkoni. Studimi është ndarë në dy faza: e para kishte për qëllim identifikimin e zgjidhjeve të realizuara në gjendje për të garantuar rezultatin më të mirë në termat e aderimit, e dyta kishte për qëllim identifikimin e mekanizmave mekanikë dhe/ose fizikë përgjegjës për aderimin relativ zirkon/qeramikë.

Faza e parë ka identifikuar si element të vetëm në gjendje për të ndikuar aderimin final lustrimin mekanik sipërfaqësor të zirkonit, ndërsa faza e dytë ka lejuar që të njihet si i tillë rezultati që është kryesisht për shkak të fenomeneve të ndërveprimit mikro - mekanik dhe fizik, por në çdo rast të varur nga presioni i mundshëm i kontaktit midis dy materialeve dhe/ose nga gjeometria realizuese e veshjes qeramike.
Në përgjithësi, zgjidhja që është në gjendje të garantojë rezultatin më të mirë përfundimtar është ajo që parashikon një lustrim me diamant të sipërfaqes së zirkonit, por edhe në këtë rast nuk janë arritur karakteristikat e aderimit të ofruar nga zgjidhja tradicionale me bazë në përzierje ari.

Artikulli i plotë origjinal gjendet në seksionin Të ndryshme nga dentistria në Download Center.

Përktheu: Valbona Spahia