Pigmentimi oral i pjesës së fortë të qiellzës

Historia, aspekti klinik dhe pjesa e fillimit të lezioneve të pigmentuara të zgavrës së gojës mund të adresojnë mjekun drejt një supozimi diagnostikues. Pohimi i natyrës së lezioneve të tilla, megjithatë, merret vetëm pas vlerësimit histopatologjik.

M. Meleti, E. Merigo, M. Manfredi, C. Fornaini, A. Sarraj, G. Mergoni, P. Vescovi

Prezantimi i rastit

Paraqitet në klinikë zoti M.D., 29 vjeç, i ftuar nga vetë stomatologu për shkak të një pigmentimi të qiellzës. Pacienti thoshte se nuk e ka vënë re ekzistencën e lezionit përpara identifikimit të saj nga stomatologu. Historia vë në dukje mungesën e patologjive sistemike. Pacienti ishte një duhanpirës i moderuar (10 cigare në ditë prej 15 vitesh). Nuk ishte e mundur të identifikohej historia e fundit e traumës në nivel oral. Në ekzaminimin objektiv vihej re prania e një pigmentimi oral në ngjyrë kafe të errët, me përmasa rreth 0,5 cm, në nivel të linjës së mesme të pjesës së fortë të qiellzës. Anët e lezionit ishin të parregullta dhe ngjyra ishte homogjene. Sipërfaqja nuk paraqiste shenja për ulçër dhe pigmentimi ishte plotësisht asimptomatik. Në pjesën tjetër të zgavrës së gojës nuk vëreheshin lezione të tjera.
Diagnoza dhe kurimi

Historia, aspekti klinik dhe pjesa e fillimit të lezioneve të pigmentuara të zgavrës së gojës mund të adresojnë mjekun drejt një supozimi diagnostikues. Pohimi i natyrës së lezioneve të tilla, megjithatë, merret vetëm pas vlerësimit histopatologjik. Veçanërisht është me rëndësi të madhe të vendoset nëse lezionet e pigmentuara janë shkaktuar nga një grumbullim i melaninës (për shembull makula melanotike, melanoma etj.) ose janë dytësore nga pigmente të tjera, ekzogjene dhe endogjene (për shembull rrjedhja e gjakut e pigmenteve hematike, tatuazhe të amalgamës). Në rastin e treguar më sipër, biopsia ekscizionale dhe analiza histologjike e lezionit të qiellzës vënë në dukje praninë masive të nyjeve të nevus melanocytic të grumbulluar qoftë në nivelin lidhës qoftë në nivelin epitelial. Nevus melanocytic janë mbushje melanine. Këto aspekte, bashkë me mungesën e ndryshimeve displastike, përputhen me diagnozën e nevus melanocytic të përbërë të zgavrës së gojës. Nevus - et orale janë tumore beninje shumë të rrallë (incidenca në Europë: rreth 4 raste për çdo 10 milion banorë çdo vit), me origjinë melanocitare, etiopatogjeneza e këtyre lezioneve është plotësisht e panjohur, edhe nëse janë identitfikuar disa mutacione karakteristike (gjenet BRAF, NRAS ose HRAS). Nervat melanocite orale mund të bashkohen. Klinikisht paraqiten si makula kafe, blu, gri ose të zeza, të rrumbullakta ose ovale. Ndonjëherë, si në rastin e përshkruar, mund të dallohen si ngjyrime që zbulohen lehtësisht. Përmasat ndryshojnë nga 0,1 deri në 3 cm. nevus melanocytic vendosen kryesisht në pjesën e fortë të qiellzës, në mukozën e gojës dhe tek gingivat. Histologjikisht njihet nevusi shtesë, nevusi i përbërë dhe nevusi nënepitelial. Këtyre tre varianteve i bashkohen edhe dy të tjera akoma mëtë rralla: nevusi blu dhe nevusi i kombinuar. Në të kundërt të korrespondentit të tyre të lëkurës, nevus melanocytic oral nuk duken se janë shënjues për zhvillimin e melanomës.

Përktheu: Valbona Spahia