Aplikimet ditore të fluorit edhe për të rriturit: Rezultatet janë ende për t'u verifikuar, por premtuese

Me rastin e Kongresit të 45° SIDO i programuar në Firence nga data 9 deri më 12 tetor dott. Federico Mandelli (në foto) kërkues i grupit të prof. Enrico Gherlone, Universiteti “Vita-Salute San Raffaele” në Milano, do të prezantojë rezultatet e një studimi të kryer me dr.Elisabetta Polizzi, që ka kër

Federico Mandelli

Me rastin e Kongresit të 45° SIDO i programuar në Firence nga data 9 deri më 12 tetor dott. Federico Mandelli (në foto) kërkues i grupit të prof. Enrico Gherlone, Universiteti "Vita-Salute San Raffaele" në Milano, do të prezantojë rezultatet e një studimi të kryer me dr.Elisabetta Polizzi, që ka kërkuar të studiojë efikasitetin e aplikimeve ditore të fluorit me përqendrime të larta, në veçanti përdorimin e xhelit dhe bojërave tek të rriturit.
Për të kryer studimin u bë një kërkim bibliografik i kufizuar tek studimet klinike të rastësishme dhe të kontrolluara tek Medline (2000 - 2013), Scopus (2000 - 2013) dhe Cochrane Oral Health Group's Trials Register (2000 - 2013). Janë përjashtuar të gjitha studimet in vitro dhe të gjitha ato që nuk kanë vlerësuar incidencën e plagëve të reja nga kariesi ose regresionet e plagëve para ekzistuese. Janë përjashtuar të gjitha studimet e kryera tek popullsia e grup moshave nën 18 vjeç. Protokollet e kërkimit duhet të krahasonin të paktën një produkt me përdorim ditor që përmban fluor mbi 5000 pjesë për milion.
Nga 819 artikujt e përzgjedhur fillimisht, shpjegon autori, vetëm dy janë vlerësuar si të përshtatshëm për rishikimin përfundimtar. Numri total i pacientëve të trajtuar ka qënë 346, follow up-i ishte mbi një vit për të dy studimet. Aplikimi ditor i fluorit me përqendrime të mëdha ka kryer një regresion të rëndësishëm të plagëve të pranishme dhe ka parandaluar fillimin e plagëve të reja nga kariesi në krahasim me grupin placebo. Nuk ka patur efekte anësore.
"Numri i reduktuar i studimeve - përfundon dr.Mandelli - edhe pse tregon rezultate pozitive, nuk ka lejuar të nxirren përfundime me vlerë të madhe të dëshmisë shkencore mbi efikasitetin e aplikimit ditor të fluorit me përqendrim të lartë tek të rriturit. Rezultatet sidoqoftë qëndrojnë shumë premtues".

Përktheu: Valbona Spahia