Restaurimet në kompozit me ngjitës universal: dentinë e lagësht apo dentinë e thatë

Norma mesatare e jetëgjatësisë së restaurimeve në kompozit u vlerësua afro 87% pas dhjetë vitesh dhe frakturat janë shkaku kryesor i dështimit, i ndjekur...

Norma mesatare e jetëgjatësisë së restaurimeve në kompozit u vlerësua afro 87% pas dhjetë vitesh dhe frakturat janë shkaku kryesor i dështimit, i ndjekur nga kariesi i zhvilluar në skajet e restaurimit.

Faktorët përcaktues të jetëgjatësisë janë të ndryshëm, të tillë si sjelljet parafunksionale, faktorët socio-ekonomikë, karakteristikat dentare, procedurat e kryera për restaurimet adezive, materialet e përdorura, etj.

Një nga teknikat adezive, që zbatohet edhe në ditët e sotme është strategjia etch-and-rinse (gërryej dhe shpëla), e bazuar në aplikimin mikromekanik të ngjitësit në substratin dentar pas aplikimit të acidit ortofosforik 30-40% për heqjen e smear layer, për demineralizimin e dentinës, si dhe për ekspozimin e rrjetit të fibrileve mikroporoze të kolagjenit.

Megjithatë, ekzistojnë disa problematika të mundshme që lidhen me këtë teknikë, si ruajtja e ngjitjes në distancë, pasi duhet të krijohen hapësira ndërmjet fibrileve të kolagjenit, me qëllim infiltrimin e duhur të monomerit. Por, ky skenar mund të përkeqësohet pas tharjes së dentinës me ajër me kolaps të fibrileve të kolagjenit dhe me zvogëlimin e hapësirave ndërfibrilare, duke prodhuar një përhapje jo të plotë të monomerit, si dhe duke shkaktuar degradimin e mëpasshëm hidrolitik të rrjetit të kolagjenit të ekspozuar.

Në këtë kuptim, ruajtja e lagështisë në dentinë konsiderohet si një strategji e rëndësishme për përmirësimin e infiltrimit të monomerit dhe formimin e një shtrese të përshtatshme hibride pas gërryerjes me acid, duke përmirësuar suksesin e ngjitjes së restaurimit, kur përdoren ngjitës etch-and-rinse (gërryej dhe shpëla).

Sidoqoftë, studimet in vitro kanë treguar rezultate kontradiktore në lidhje me ndikimin e lagështisë së dentinës në efikasitetin e aplikimit të këtyre ngjitësve, duke sugjeruar se ndikojnë edhe faktorë të tjerë, si përbërja e ngjitësit dhe mënyra e aplikimit.