Përdorimi i rrjeteve sociale në fushën e mjekësisë

Përdorimi i platformave të rrjeteve sociale u jep mundësinë të gjithë profesionistëve shëndetësorë të informohen më lehtë dhe të përditësojnë njohuritë e tyre, falë...

Rrjetet sociale janë kthyer në një mjet të pashmangshëm komunikimi edhe në fushën mjekësore shkencore.

Përdorimi i platformave të rrjeteve sociale u jep mundësinë të gjithë profesionistëve shëndetësorë të informohen më lehtë dhe të përditësojnë njohuritë e tyre, falë burimeve të shumta parësore dhe dytësore të informacionit (si, revistat mjekësore, shoqatat shkencore, institucionet shëndetësore, portalet shkencore, etj.) që ata ndjekin, për t'u përballur me kolegët e tyre, për të marrë pjesë në kongrese shkencore, si dhe për të komunikuar mbi shëndetin dhe për ta promovuar atë.

Profesionistët shëndetësorë duhet të fitojnë aftësitë dhe njohuritë e nevojshme, me qëllim përdorimin efikas të platformave të rrjeteve sociale. Me anë të tyre, ata mund:
- Të ndjekin burimet parësore të informacionit;
- Të publikojnë përmbajtjet e tyre në mënyrën më të mirë;
- Të rrisin shikueshmërinë e tyre;
- Të menaxhojnë reputacionin dhe të shtojnë ndërveprimin me ndjekësit e tyre.

Në fakt evidenca të ndryshme shkencore demonstrojnë efikasitetin e rrjeteve sociale për promovimin e shëndetit, për parandalimin e patologjive të caktuara (në veçanti të atyre që u atribuohen stileve të gabuara të jetës), për shtimin e ndërgjegjësimit të popullsisë mbi konceptin e rrezikut, si dhe për justifikimin e angazhimit të tyre në fushën e shëndetit publik.