Teknologjia, si mbështetje ndaj respektimit të trajtimeve ortodontike dhe rëndësia e menaxhimit të parandalimit

Terapia ortodontike ka shfaqur përparime përsa i përket projektimit të kompjuterizuar dhe mundësisë së ndarjes së rrugëtimit terapeutik me pacientin, duke nxitur respektim më të...

Terapia ortodontike ka shfaqur përparime përsa i përket projektimit të kompjuterizuar dhe mundësisë së ndarjes së rrugëtimit terapeutik me pacientin, duke nxitur respektim më të mirë të terapisë. Gjatë terapisë ortodontike tradicionale (e detyrueshme në disa raste të ndërlikuara), nevojitet një menaxhim efikas i higjienës orale në shtëpi, si dhe duhen kryer kontrolle profesionale të higjienës orale para, gjatë ose pas terapisë, me qëllim shmangien e dëmtimit të shëndetit dento-periodontal e sidomos shmangien e lezioneve rrethore të smaltit, tipike të një kontrolli jo efikas të eubiozës së kavitetit oral.

Qasja motivuese ndaj udhëzimeve të terapisë është thelbësore për suksesin e kësaj të fundit, dhe terapitë me aparate dentare të padukshme preferohen nga pacientët e të gjitha moshave dhe me ndërlikime të ndryshme trajtimi, pasi pajtohen me fshehtësinë e trajtimit.

Në rastet e trajtimeve ortodontike estetike, para-protetike, apo të terapive ortodontike recidivuese dhe terapive të ndërlikuara edhe te pacientët me disfunksion të artikulacionit temporo-mandibular (ATM), drejtuesit e padukshëm japin mundësinë një drejtimi efikas dhe të fshehtë. Teknologjia novatore lejon, përmes instrumenteve të sofistikuara mbështetëse, ndarjen e informacionit përmes platformave online apo aplikacioneve në telefon, ndërveprimin me pacientin dhe vizualizimin e lëvizjeve të dhëmbëve me drejtues të ndryshëm, si dhe perceptimin e simetrive dhe lëvizjeve të ndryshme gjatë terapisë ortodontike.

Higjienisti dentar, pas marrjes së diagnozës dhe udhëzimeve mbi rrugëtimin terapeutik nga mjeku ortodont, mund të krijojë një rrugëtim të personalizuar parandalimi, me qëllim ruajtjen e shëndetit të indeve dento-periodontale.

Të mësuarit nga përvoja përmes imazheve stimulon vëzhgimin reflektues dhe favorizon pranimin e terapisë dhe të indikacioneve për trajtimin e propozuar nga mjeku ortodont, si dhe favorizon respektimin e indikacioneve për higjienën në shtëpi që do të sigurohen nga kompetenca e higjenistit dentar më pas.

Megjithatë, trajtimi ortodontik kërkon një nivel të lartë kujdesi, përsa i përket kontrollit të ekuilibrit të ekosistemit mikrobiologjik përmes veprimit mekanik nga larja efikase e dhëmbëve dhe nga kontrolli kimik i biofilmi bakterial. Përdorimi i shpëlarësve, pastave dhe xhelit duhet të parashikojë zgjedhjen e molekulave që kontrollojnë aktivitetin bakterial dhe që kanë një fuqi rimineralizuese për ruajtjen e shëndetit të smaltit. Zgjedhja e setit për në shtëpi duhet të jetë e personalizuar në bazë të situatës klinike aktuale dhe në bazë të zgjedhjes së konsultuar me pacientin, duke marrë parasysh mënyrën e larjes së dhëmbëve dhe veçoritë e indeve dhe anatomike të kavitetit oral e sidomos llojin e terapisë ortodontike të ndjekur.

Përsa i përket terapisë ortodontike me aparat transparent, duhet të parashikohet kujdes i veçantë gjatë menaxhimit të higjienës, me anë të së cilit duhet të ruhet transparenca e aparatit dhe të sigurohet mbrojtja nga bakteret dhe viruset. Higjienizimi i aparateve të padukshme dhe të aparateve të lëvizshme me spërkatës ergonomikë me vaj ulliri të ozonizuar, me siguri ofrojnë një përdorim më të lehtë nga adoleshentët.