Ndërprerja e duhanpirjes dhe ndikimi në gingiva dhe periodont

Duhani, njihet prej kohësh si një faktor i rëndë rreziku për një shumëllojshmëri problematikash shëndeti, që nga sëmundjet kardiovaskulare e deri te...

Duhani, njihet prej kohësh si një faktor i rëndë rreziku për një shumëllojshmëri problematikash shëndeti, që nga sëmundjet kardiovaskulare e deri te tumoret e ndryshme. Megjithatë, ndikimet e dëmshme të duhanit shtrihen edhe në kufijtë e kavitetit oral, veçanërisht në shëndetin periodontal.

Periodontiti, një patologji inflamatore kronike, e cila prek strukturat që mbajnë dhëmbët, nuk është vetëm një problematikë e përhapur për shëndetin oral, por përbën edhe rrezik për shëndetin publik.

Në një studim prospektiv grupi, të publikuar në Journal of Pharmacy and Bioallied Sciences, autorët analizuan se sa ndikon ndërprerja e duhanpirjes në përmirësimin e shëndetit oral, periodontal dhe të inflamacionit gingivar te pacientët me periodonitit.

Në të u përshinë 200 individë duhanpirës, të diagnostikuar me periodontit. Ata u ndanë në dy grupe:
• Grupi A, në të cilin individët morën të gjitha trajtimet e mundshme për ndalimin e duhanit, duke përfshirë edhe këshillimin dhe farmakoterapinë.
• Grupi B, pjesëmarrësit vazhduan të pinin duhan.

Shëndeti periodontal u vlerësua nëpërmjet parametrave klinikë, të tilla si thellimi i sondazhit (PD) dhe niveli i sulmit klinik (CAL), në fillim të studimit dhe pas gjashtë muajsh.

Inflamacioni gingivar u vlerësua duke përdorur Indeksin Gingivar (GI).

Pas gjashtë muajsh, grupi A shfaqi një reduktim të dukshëm të PD mesatare (nga 4.5 mm në 3.2 mm) dhe të CAL (nga 5.0 mm në 3.5 mm), krahasuar me grupin B. Nga ana tjetër, grupi B nuk shfaqi ndryshime të dukshme të këtyre parametrave.

Rezultatet e GI ishin më të ulëta te grupi A (nga 2.8 në 1.2), ndërsa te grupi B mbetën të pandryshuara. Gjithashtu, grupi A shfaqi një normë më të lartë të lënies së duhanit (72%), krahasuar me grupin B (14%).

Nga të dhënat e këtij studimi, arrihet në përfundimin se ndërprerja e duhanpirjes luan një rol thelbësor në përmirësimin e shëndetit periodontal dhe në reduktimin e inflamacionit gingivar te duhanpirësit që vuajnë nga periodonititi.

Reduktimet e konstatuara në PD, CAL dhe në inflamacionin gingivar evidentojnë përfitimet që mund të sjellë ndërprerja e duhanpirjes në shëndetin oral të kësaj popullate kaq të rrezikuar.