Kockat e peshkut, efikase për rimineralizimin dhe desensibilizimin dentar

Fosfatet e kalciumit (CaPs) janë materiale gjerësisht të përdorura në stomatologjinë preventive. Në shumicën e rasteve, pastat rimineralizuese përmbajnë hidroksiapatit sinteze (HA-S), një lloj i...

Fosfatet e kalciumit (CaPs) janë materiale gjerësisht të përdorura në stomatologjinë preventive. Në shumicën e rasteve, pastat rimineralizuese përmbajnë hidroksiapatit sinteze (HA-S), një lloj i veçantë i CaP, i cili është në gjendje të rimineralizojë smaltin dhe të reduktojë ndjeshmërinë e dentinës së ekspozuar.

Kohët e fundit është kryer një studim mbi efikasitetin e HA-N si material me potencial në reduktimin e ndjeshmërisë, duke vlerësuar aftësitë e tij të mbylljes së tubulave të dentinave nëpërmjet mikroskopisë elektronike dhe analizës mekanike.

Mbyllja e tubulave të dentinave u testua duke përdorur kushte që nxisin përdorimin e përditshëm të pastës me përmbajtje HA-N. Segmentet me ndjeshmëri të reduktuar të dentinës së njeriut janë larë për 30 sekonda dy herë në ditë, për 5 ditë rresht. Morfologjia, përbërja kimike dhe fortësia e dentinës së larë u vlerësua me një suspension ujor të HA-N. Më pas, efektet u krahasuan me ato të marra nga larja me një suspension të HA-S, apo me ujë, i përdorur si kontroll negativ.

Mbyllja e tubulave të dentinave u vlerësua përmes mikrografive SEM.
Sipërfaqet
Segmentet e lara me ujë shfaqin tubula të hapura edhe pas trajtimit dhe kolagjeni i dentinave ka ndjeshmëri të reduktuar;
Segmentet e trajtuara me HA-N shfaqin një mbyllje gati të plotë të tubulave, duke treguar se përmasat e grimcave të materialit janë aq të përshtatshme sa për të depërtuar në to dhe për t'i mbyllur.
Segmentet e trajtuara me HA-S shfaqin një rezultat të ngjashëm, por mbyllja rezultoi më pak e plotë.

Segmenti
Grimcat e HA-N depërtojnë në brendësi të tubulave, deri në 4 µm thellësi. Sapo hyjnë, ato i nënshtrohen një procesi rimineralizimi, i cili sjell formimin e pllakave të mineraleve me trashësi 1-2 µm.
HA-S depërton pothuajse njësoj me HA-N, por në këtë rast pllaka minerale duket se shkaktohet nga një depozitim nanogrimcash.

Analizat e nano-indentacionit treguan se të dy HA-të e testuara e përmirësonin rezistencën mekanike të dentinës, por HA-N ka aftësinë të nxisë një rritje homogjene të rezistencës mekanike deri në thellësi, ndërsa homologu sintetik siguron një rritje shumë të lartë, por vetëm në sipërfaqe (1-2 μm).

Rezultatet

Testet kanë treguar se grimcat e CaP, të nxjerra nga kockat, janë një material i shkëlqyer për rimineralizimin dhe reduktimin e ndjeshmërisë së dentinave, pasi:
• Favorizojnë rimineralizimin e indeve dentare duke formuar jone Ca2+ dhe PO43+, sidomos falë pranisë së fazës reaktive β-TCP;
• Përmirësojnë karakteristikat mekanike të indit dhe janë në gjendje të mbyllin tubulat e dentinave duke formuar pllaka minerale kohezive.

Si përfundim, nga studimi u demonstrua se trajtimi me HA-N është po aq efikas sa hidroksiapatiti sintetik, i cili konsiderohet si material kryesor për këtë aplikim.