A ka ndonjë lidhje ndërmjet parodontitit dhe endometriozës?

A ekziston ndonjë lidhje ndërmjet shëndetit oral dhe shëndetit të përgjithshëm të organizmit? Në veçanti, a është e vërtetë që te gratë ekziston një lidhje ndërmjet parodontitit dhe çrregullimeve gjinekologjike...

A ekziston ndonjë lidhje ndërmjet shëndetit oral dhe shëndetit të përgjithshëm të organizmit? Në veçanti, a është e vërtetë që te gratë ekziston një lidhje ndërmjet parodontitit dhe çrregullimeve gjinekologjike, si endometrioza?

Pacientët duhet të ndërgjegjësohen se një shëndet i mirë oral është pjesë e pandashme e mirëqenies së organizmit dhe sidomos te gratë, gjithnjë e më shumë kërkime po i lidhin sëmundjet gingivare me një sërë problemesh gjinekologjike.

Neglizhimi i gingivitit shkakton një inflamacion të fortë dhe gingivat tërhiqen derisa formojnë xhepat gingivarë. Në momentin që nuk ndërhyhet, bakteret shumohen aq shumë sa zgjerojnë procesin inflamator në periodont dhe kocka, të cilat përbëjnë bazën e dhëmbëve. Toksinat sulmojnë qelizat e indeve periodontale, duke përfshirë edhe ato që janë të destinuara për riprodhimin e kockës, ku mbështeten dhëmbët (osteoblastet). E gjitha kjo mund të ndodhë pa u vënë re.

Përsa i përket endometriozës, mund të thuhet se patologjia konsiston në praninë e indit endometrial (i cili mbulon vetëm kavitetin e mitrës) jashtë vendndodhjes së tij normale, në inde dhe në organe të tjera. Ndryshimet e këtij indi, të përcaktuara nga hormonet seksuale të prodhuara nga vezoret, përcaktojnë simptoma të forta paaftësie, të cilat ndikojnë në jetën sociale, profesionale, familjare dhe shkollore të grave. Në 30-40% të rasteve, endometrioza është shkak i subfertilitetit, ose infertilitetit. Gratë mund të vuajnë nga endometrioza që nga menarka e deri në menopauzë, duke arritur kulmin në moshat 25-35 vjeçe. Me raste, simptomat e endometriozës janë të padurueshme dhe konsistojnë në dhimbje pelvike (ndonjëherë edhe kronike), dhimbje menstruale, dhimbje gjatë raporteve seksuale, çrregullime intestinale, fryrje barku, dhimbje fizike kronike, migrenë dhe probleme riprodhimi".