Rreziqet që vijnë nga piercing dhe masat që duhen marrë

Rreziqet, veprimet që duhen ndërmarrë dhe teknologjitë që duhen përdorur për mbrojtjen e shëndetit të pacientëve të cilët kanë zgjedhur të vendosin piercing në kavitet oral...

Rreziqet, veprimet që duhen ndërmarrë dhe teknologjitë që duhen përdorur për mbrojtjen e shëndetit të pacientëve të cilët kanë zgjedhur të vendosin piercing në kavitet oral

Bashkimi i shëndetit dhe estetikës është një sfidë e madhe për operatorët shëndetësorë, në një situatë në të cilën estetika ka evoluar menjëherë, duke u shndërruar shpesh në një rrezik real për shëndetin. I tillë është rasti i pacientëve që zgjedhin të vendosin piercing në kavitetin oral, duke shkaktuar inflamacion të mukozave dhe indeve gingivare, lezione dhe fraktura të sipërfaqes së dhëmbëve, ndryshime të fluksit të pështymës dhe infeksione të lokalizuara. Për të mos folur, pastaj, për ënjtjet e gjuhës, anginën e Ludwig, hemorragjitë. Në literaturë është shumë e gjatë lista e pasojave të mundshme të padëshiruara për shëndetin që mund të shkaktojë një piercing, sidomos në gjuhë.

Evidencat shkencore kanë treguar rreziqet reale të shkaktuara nga mungesa e kujdesit që tregohet ndaj "piercing"-ut, shpesh në përmasa të papërshtatshme dhe pa treguar kujdes të veçantë ndaj kontrollit bakterial, përmes praktikave të higjienës orale në shtëpi dhe kontrolleve në rast traumash dhe inflamacionesh të gjuhës, të mukozave dhe të sipërfaqes të dhëmbëve.

Të kujdesesh për shëndetin do të thotë të menaxhosh faktorët e rrezikut, faktorët prognostikë dhe ata parashikues për vlerësimin e kujdesshëm të rrezikut, duke menaxhuar saktë mbikëqyrjen klinike, higjienën orale, kontrollin kimik dhe mekanik të biofilmit bakterial të kavitetit oral dhe higjienizimin e piercing-ut.

Në këtë rast, bëhet i domosdoshëm kontrolli i higjienës orale profesionale çdo 3 muaj dhe një vizitë te dentisti dhe/ose patologu oral, në rast se krijohen lezione të gjuhës ose të pjesëve me mukozë të alteruar, ose me tendencë alterimi, të cilat konstatohen përmes ekzaminimit klinik. Duke përdorur auto fluoreshencën, gjendja fizike e disa molekulave në brendësi të qelizave të indeve të buta, përthithet nga drita UV, e cila emeton një gjatësi vale të madhe.

Indet do të shfaqen hipofluoreshente nëse shfaqet mukozë e alteruar. Ndërdisiplinariteti është thelbësor dhe kërkimi i një diagnoze të shpejtë mund të shmangë situata të rënda patologjike.

Gjatë kontrollit të higjienës profesionale, duhet të hiqet bizhuteria, të kontrollohet gjendja e mukozës, të dezinfektohet bizhuteria dhe të aplikohet higjienizues, xhel dhe gargarë me vaj ulliri të ozonuar dhe të bëhet bashkë me pacientin zgjedhja e instrumenteve më të dobishme për kontrollin e biofilmit bakterial. Shpesh, pastruesi i gjuhës mund të rezultojë agresiv. Larja delikate është më mirë të bëhet me furça sonike, ose supersonike.

Nuk mund të nënvlerësohet shfaqja e traumave në sipërfaqen e dhëmbëve, të kontrollueshme me syze zmadhuese, ose me vëzhgimin e kujdesshëm përmes kamerave ndërorale. Fotografia klinike është gjithashtu efikase për të konstatuar lezionet dhe për të pasur një instrument të rëndësishëm ndihmës gjatë qasjes motivuese.

Qasja e personalizuar dhe e komunikuar me pacientin, merret në konsideratë edhe në zgjedhjen e pastave të dhëmbëve për rimineralizimin dhe mbrojtjen e smaltit në zonat e traumave të shkaktuara nga piercing-u. Higjienistëve dentarë duhet t'u interesojnë trendet mjedisore, me qëllim që të gjejnë zgjidhje për qasje klinike parandaluese, ideale për të bashkuar shëndetin me bukurinë.