Peri-implantiti, një sfidë e re për dentistin

Duke cituar një studim korean, prof. Gagliani u kujton dentistëve dhe higjienistëve dentarë se trajtimi i peri-implantitit nuk duhet të konsiderohet si një procedurë...

Duke cituar një studim korean, prof. Gagliani u kujton dentistëve dhe higjienistëve dentarë se trajtimi i peri-implantitit nuk duhet të konsiderohet si një procedurë e vetme, por si një cikël i vazhdueshëm trajtimi dhe rivlerësimi.

Nuk ka kuptim ta fshehim që vitet e ardhshme do të jenë ato të peri-implantitit. Kjo temë njihet prej kohësh. Një studim korean hedh dritë mbi një skemë interesante arsyetimi, që mund të çojë në konsiderata të dukshme: ruajtja e jetëgjatësisë së implanteve nuk duhet të devijojë shumë nga diktatet e periodontologjisë klasike. Theksohet roli dhe vëmendja që duhet t'i kushtojë dentisti gjykimit, me ndershmëri intelektuale, nëse një implant ka dështuar dhe për rrjedhojë duhet hequr, apo në të kundërt, nëse implanti mund të trajtohet nga ana kirurgjikale.

Pikërisht, trajtimi që shoqërohet me hemorragji do të ishte baza e ndërhyrjeve vendimtare për të kufizuar ose eliminuar rrjedhjen septike, që do të çonte në humbjen përfundimtare të implantit dhe të një pjese të mirë të indit kockor përreth tij.

Autorët raportojnë gjithashtu se, studimet e fundit kanë rekomanduar përdorimin e shtuar të antibiotikëve në kyretazhin jokirurgjikal. Kjo gjë e ka bërë më të suksesshëm trajtimin jokirurgjikal për peri-implantitin, por vëzhgimi i dëmtimeve është vendimtar në shumicën dërrmuese të rasteve.

Ata konkludojnë se është e nevojshme që pacientët të regjistrohen në programet e mirëmbajtjes.

Vizitat e mirëmbajtjes duhet të përfshijnë kontrollin profesional të pllakës dhe forcimin e kujdesit higjienik për pacientët dhe intervali i tyre duhet të përcaktohet sipas rrezikut individual për peri-implantit.

Dentistët dhe higjienistët dentarë duhet të mbajnë mend se trajtimi i peri-implantitit nuk është një procedurë e vetme, por një cikël i vazhdueshëm trajtimi dhe rivlerësimi.
Me fjalë të tjera: asgjë e re në horizont. Gati për punë?