Odontofobia dhe këshilla për pacientët

Goja është një pjesë intime dhe delikate e trupit dhe ideja e ekspozimit të dhëmbëve, mishrave të tyre dhe gjuhës mund të zgjojë një ndjenjë vulnerabiliteti. Për...

Udhëzimet e psikoterapistit për pacientët. Muzika në studio dhe teknikat e frymëmarrjes janë të dobishme për të qetësuar ankthin.

Edhe nëse shkoni te dentisti, e bëni këtë me frikë dhe ankth. Ky fakt u konfirmua nga hulumtimi i kryer nga EDRA. Por ne mund ta ndihmojmë pacientin (nëse nuk mund ta qetësojmë), të paktën ta përjetojë përvojën e trajtimit më me qetësi.

"Goja është një pjesë intime dhe delikate e trupit dhe ideja e ekspozimit të dhëmbëve, mishrave të tyre dhe gjuhës mund të zgjojë një ndjenjë vulnerabiliteti. Për më tepër, edhe sot ne e ndjejmë peshën e një zakoni kulturor që e lidh shkuarjen te dentisti me mundësinë e përjetimit të dhimbjes fizike", konfirmon Maria Beatrice Toro, psikologe, psikoterapeutiste dhe eksperte e ndërgjegjësimit. Me qëllim kontrollimin e ankthit përpara hyrjes në klinikë, është e dobishme të nisësh me modifikimin e dialogut të brendshëm, duke u munduar t'i fokusosh mendimet tek aspektet e besueshmërisë ndaj mjekut ("ai e di se si të mos më bëjë të vuaj", "jam në duar të sigurta") dhe tek aspektet e kënaqësisë dhe përmbushjes të lidhura me bukurinë e buzëqeshjes dhe kënaqësisë së të ndjerit të shëndetshëm dhe të kuruar.

"Frymëmarrja është një mjet i fuqishëm dhe në dorën e kujtdo për të përballuar momentet e ankthit", risjell dr. Toro. Një ushtrim i thjeshtë për t'u praktikuar edhe në sallën e pritjes, është "frymëmarrja katërshe", e cila është një teknikë efikase, që ka treguar se kontrollon menjëherë ankthin.

Ja, si të veproni:

1) Merrni frymë me hundë deri sa të mbushen mushkëritë, duke numëruar deri në katër
2) Mbajeni frymën duke numëruar deri në katër
3) Nxirreni frymën nga goja duke numëruar deri në katër
4) Mbajini mushkëritë bosh duke numëruar deri në katër

Sugjerimi që vjen direkt nga 45% e pacientëve që i janë përgjigjur sondazhit, është të dëgjoni muzikë për t'u qetësuar. Ka shumë sugjerime mbi muzikën që do të dëgjohet, por ajo që mbizotëron është muzika moderne, qetësuese ose argëtuese, e cila mund të heqë mendjen dhe të nxisë mendime pozitive.