Periodontiti dyfishon rrezikun për hipertension

Hipertensioni prek 30 deri në 45% të popullsisë së rritur në botë, ai është quajtur një vrasës i heshtur që në shumicën e rasteve nuk shkakton shqetësime dhe është një nga shkaqet kryesore të vdekjes së parakohshme nga insuficienca kardiake dhe iktusi.

Periodontiti prek më shumë se 50% të individëve dhe shoqërohet me një rrezik të lartë për ata që vuajnë nga hipertensioni. Për të konfirmuar lidhjen e ngushtë midis dy sëmundjeve, është publikuar së fundi studim i publikuar në revsitën "Hypertension" dhe i koordinuar nga Francesco D'Aiuto nga UCL Eastman Dental Institute në Londër, në të cilin theksohet se si prania e periodontitit mund të dyfishojë rrezikun për zhvillimin e hipertensionit.

Në studim morën pjesë rreth 500 individë me moshë mesatare 35 vjeç, 250 prej të cilëve vuanin nga periodontiti i rëndë.

U zbulua se 14% e njerëzve me periodontit kishin hipertension kundrejt 7% e atyre në grupin e kontrollit, të gjithë faktorët e tjerë të rrezikut ishin të barabartë.

"Kjo dëshmi tregon se bakteret periodontale shkaktojnë dëmtime të gengivave dhe gjithashtu induktojnë një përgjigje sistematike inflamatore që mund të favorizojë zhvillimin e sëmundjeve sistemike siç është hipertensioni", shpjegon autori. "Duke pasur parasysh prevalencën e periodontitit, studimi ynë konfirmon numrin shqetësues të njerëzve që mund të vuajnë paditur nga hipertensioni, me të gjithë rrezikun kardiovaskular që kjo sjell", vazhdon ai.

Për më tepër, trajtimi i periodontitit mund të favorizojë parandalimin dhe kontrollin e presionit të lartë të gjakut: dhe ruajtja e shëndetit të mirë periodontal mund të ndihmojë në vonimin e shfaqjes së hipertensionit dhe mund të përmirësojë menaxhimin e sëmundjes te njerëzit që tashmë vuajnë nga kjo sëmundje.

Provat e fundit eksperimentale tregojnë se periodontiti dhe hipertensioni kanë një bazë të përbashkët gjenetike, veçanërisht në një grup të madh gjenesh të rëndësishëm për sistemin imunitar, duke mbështetur hipotezën se pas të dy sëmundjeve ekziston një gjendje inflamatore.

"Pacientët me periodontit shpesh kanë presion të lartë të gjakut, veçanërisht kur zgavra e gojës është në një gjendje inflamacioni dhe mishrat e dhëmbëve rrjedhin gjak. Lidhja mes tyre është e rëndësishme sepse hipertensioni është shpesh asimptomatik, prandaj, gjetja e një 'sinjali' klinik siç është periodontiti që sugjeron rrezikun e vuajtjes nga hipertensioni gjithashtu, mund të lehtësojë diagnozën e hershme të çrregullimit dhe për këtë arsye të parandalojë ngjarjet kardiovaskulare", vazhdojnë autorët.

Integrimi i depistimit për diagnozën e hipertensionit nga periodontistët e kujdesit dentar gjithashtu ka të bëjë me mjekët që trajtojnë pacientët dhe, anasjelltas, integrimin e depistimit diagnostik të periodontitit nga mjekët mund të përmirësojnë diagnozën dhe trajtimin e të dy kushteve dhe të ulin barrën e hipertensionit në shëndetin kardiovaskular.

Është gjithashtu e rëndësishme që internisti dhe mjeku i përgjithshëm të përfshijnë në vlerësimin e pacientit disa pyetje mbi gjendjen e shëndetit oral, të cilat mund të përfaqësojnë një paralajmërim për një rrezik të mundshëm të periodontitit.

Ky vlerësim i thjeshtë mund të jetë shumë i dobishëm si në identifikimin e hershëm të pacientëve me hipertension të fshehtë, ashtu edhe në pacientët me periodontit të pa diagnostikuar. Praktikat e mira të higjienës orale siç janë pastrimi i dhëmbëve dy herë në ditë dhe pastrimi i hapësirave interdentale mund të jenë efektive jo vetëm për shëndetin e gojës, por gjithashtu mund të jenë një mjet i thjeshtë brenda mundësive të gjithsecilit për të parandaluar dhe kontrolluar hipertensionin.