Ndikimi i reaksioneve alergjike në patologjitë orale kronike

Reaksionet alergjike mund të jenë të menjëhershme (tipi 1) ose të vonuara (tipi IV). Në termat e paraqitjes klinike, reaksionet alergjike në nivel oral mund të manifestohen si reaksione likenoide orale (OLR), keilit, stomatit, gengivit, dermatit perioral, ndjesi të djegies së gojës, ënjtje të buzëve dhe fytyrës dhe ndjesi parestezie.

Sindroma e alergjive nga ato ushqimore deri te alergjitë ndaj polenit është një reaksion i hiperndjeshmërisë (tipi I) ndaj ushqimeve me bazë bimore, që manifestohet më shpesh me kruarje të buzëve, gjuhës dhe gojës në përgjithësi.

Kur trajtohen pacientët që vuajnë nga patologjitë persistente orale dhe periorale mund të ndeshemi shpesh me problemin e alergjive të mundshme, veçanërisht ato që lidhen me disa materiale dentare të lidhura me procedura të caktuara stomatologjike.

Në nivel oral, mund të ndeshen edhe reaksione alergjike të lidhjeve të pranishme në materialet e aparaturave dhe restaurimeve dentare protetike jo vetëm ato të preparateve të tjera të përdorura në manovrat e zakonshme të trajtimit stomatologjik.

A mund të manifestohen këto reaksione alergjike më shpesh tek individët e prekur nga patologjitë orale kronike në krahasim me individët e shëndetshëm?
A janë të besueshëm testet alergologjik kutan edhe për të diagnostikuar alergjitë në nivel oral?

Tipologjia e kërkimit dhe modaliteti i analizës

Një studim klinik i publikuar së fundi në "Journal of Oral Rehabilitation", ka ekzaminuar alergenët e mundshëm dhe reaksionet alergjike që lidhen me to për patologjitë më të shpeshta orale dhe periorale duke kryer testin e alergologjikëve kutanë, duke hetuar besueshmërinë e këtyre të fundit edhe për rekasionet alergjike orale.

Studimi ka përfshirë 230 pacientë nga të cilët 180 të prekur nga patologjitë orale dhe periorale, 30 për secilin nga grupet e mëposhtme:
• grupi 1, pacientë me angioedemë;
• grupi 2, pacientë me reaksione likenoide orale (OLR);
• grupi 3, pacientë me sindromën e gojës që djeg (BMS);
• grupi 4, pacientë me gengivo-stomatit;
• grupi 5, pacientë me keilit;
• grupi 6, pacientë me dermatit perioral.

Për grupin e kontrollit janë zgjedhur pesëdhjetë pacientë të shëndetshëm.

Ekzaminime diagnostikuese të plota janë kryer përpara patch test me alergenë që i përkasin serive standarde dhe me materiale dentare specifike dhe teste kutane me shpime (SPT) për disa ushqime, konservantë, aditivë dhe inhalantë.

Rezultatet

Rezultatet pozitive ndaj testeve alergologjike kanë treguar se janë më të zakonshme te pacientët me patologji orale në krahasim me grupin e kontrollit, me një përqindje në mënyrë të konsiderueshme më të madhe sesa frekuenca e alergjive të kontaktit në grupin 5 të pacientëve të prekur nga keiliti kronik (P=.048).

Alergenët më të zakonshëm janë kloruri i kobaltit (13,3% në grupin 3 të BMS vs 10% në grupin e kontrollit), sulfati i nikelit (10% në grupin 4 të gingivo-stomatitit dhe 6,7% në grupin 5 të keilitit vs 3,3% në grupin e kontrollit) dhe disa konservantë (23,3% në grupin 1 të angioedemës dhe në grupin 3 të BMS).

Konkluzionet

Në bazë të të dhënave të nxjerra nga ky studim, që në fakt duhet të konfirmohen me punime të tjera analoge, testet alergologjikë kutanë duhen besuar dhe të justifikohen për diagnozën e alergjive në rastin e sëmundjeve orale persistente ose përsëritëse.

Kjo është e vetmja mënyrë për të konfirmuar alergjitë duke lejuar, në dobi të pacientit, reduktimin pasues të alergenëve.

Për më shumë informacion:

Budimir J, Mravak-Stipeti M, Bulat V, Fercek I, Japundzi I, Lugovic-Mihic L. Allergic reactions in oral and perioral diseases - What do allergy skin test results show?