Pse incidenca e kariesit rritet gjatë shtatzënisë?

Gjatë shtatzënisë gratë asistojnë në një "përmbysje" të organizmit të tyre, një seri ndryshimesh që lidhen me shumë organe dhe pjesë që shkaktojnë ndryshime fizike dhe fiziologjike të pjesëve të ndryshme të trupit, duke përfshirë kavitetin oral.

Më specifikisht, kërkuesit kanë evidentuar një incidencë më të madhe të kariesit gjatë kësaj periudhe. Megjithatë, fillimi dhe përkeqësimi i kariesit janë për shkak të faktorëve të ndryshëm: pështyma, për shembull, është një faktor modifikues primar dhe ndryshimet në vetitë salivare gjatë shtatzënisë mund të shpjegojnë rritjen e incidencës së kariesit.

Në shtatzëni ndryshimet salivare mund të lidhen me efektet e estrogjenit, ndryshimit të dietës, zakoneve të higjienës orale dhe ndryshimeve në shije.

Tipologjia e kërkimit dhe modaliteti i analizës

Në një rishikim me metaanalizë, të publikuar në "JADA", autorët kanë dashur të vlerësojnë faktorët e riskut të kariesit në çdo tremujor të shtatzënisë që lidhen me pështymën, ndërmjet të cilave edhe përqendrimi i kalciumit në të, fosfatit dhe joneve të hidrogjenit, aftësia e saj tamponuese, numri i Streptococcus mutans dhe Lactobacillus të pranishme. Për më tepër, janë regjistruar të dhëna rreth sasisë së dhëmbëve me karies, atyre që mungojnë dhe dhëmbëve të mbushur. Autorët kanë kryer një kërkim bibliografik nëpërmjet databazave më të mëdha elektronike deri më 1 korrik 2019. Janë përfshirë studimet observuese të përshtatshme. Autorët kanë vlerësuar cilësinë e studimeve të përfshira duke përdorur shkallën e Joanna Briggs Institute.

Nëngrupet e analizës dhe meta-regresionit janë përdorur për të eksploruar heterogjenitetin. Bias i studimeve të përfshira është vlerësuar duke përdorur testin Begg dhe Egger.

Rezultatet

Njëzet e nëntë studime janë përfshirë në meta-analizë, duke përfshirë 1230 gra shtatzëna dhe 715 gra jo shtatzëna (grupi i kontrollit).

Rezultatet kanë treguar se:

Përqendrimi i karciumit në pështymë është më i ulët në tremujorin e tretë; fosfati rezulton i ulët më tremujorin e dytë dhe të tretë, përqendrimi i joneve të hidrogjenit rezulton i ulur në tremujorin e parë dhe të tretë.

Shpejtësia e fluksit të pështymës së stimuluar rezulton e shtuar në tremujorin e tretë dhe numri i S. mutans salivarë është më i madh në tremujorin e dytë dhe të tretë.

Rezultatet kanë treguar se sasia e kalciumit, fosfatit, S. mutans dhe aftësia tamponuese e pështymës ndryshojnë nga tremujori i parë deri në të tretin.

Konkluzionet

Nga të dhënat e nxjerra nga ky rishikim, që duhet të konfirmohen me punime të tjera analoge, mund të dalim në konkluzionin se në tremujorin e tretë të shtatzënisë pjesa më e madhe e faktorët salivarë predispozues për zhvillimin e kariesit pëson ndryshime dhe prandaj mund të shtojë riskun e zhvillimit të kariesit në të ardhmen.

Implikimet klinike

Për të shmangur fillimin e kariesit në periudhën delikate të shtatzënisë stomatologu duhet të kryejë ndërhyrje skrinim dhe ekzaminime me pacientet shtatzëna rreth ruajtjes së një diete dhe higjiene orale të saktë për parandalimin e kariesit, parandalim ky që duhet të fillojë që në tremujorin e parë.

Për më shumë informacione:

Yousefi M, Parvaie P, Riahi SM. Salivary factors related to caries in pregnancy: a systematic review and meta-analysis.