Periodontiti dhe sindroma metabolike. A ekziston një lidhje ndërmjet tyre?

Duke marrë në konsideratë natyrën kronike dhe patogjenezën komplekse të periodontitit, fillimi i tij lidhet me çrregullimet e sinergjizmit polimikrobial që provokon disbiozë.

Sindroma metabolike (MetS) përkufizohet si kombinim i 3 nga 5 gjendjeve që përmenden në vijim: shtimi i glicemisë, hipertensioni, dyslipidemia (trigliceridet e larta [TG] dhe nivele të ulëta të lipoproteinave me densitet të lartë [HDL] dhe/ose perimetri abdominal i gjerë.

MetS është një spektër gjendjesh që e vë një individ përballë një risku të shtuar ndaj sëmundjeve kardiovaskulare (CVD) dhe diabetit melit të tipit 2. Vitet e fundit, lidhja ndërmjet çrregullimeve metabolike dhe periodontitit është studiuar gjerësisht; megjithatë, marrëdhënia ndërmjet sindromës metabolike (MetS) dhe periodontit mbetet e diskutueshme.

Tipologjia e kërkimit dhe modaliteti i analizës

Në një studim rast-kontroll (1:3), të publikuar në Journal of Periodontology, autorët kanë vlerësuar lidhjen e mundshme ndërmjet periodontitit dhe MetS, pavarësisht variablave të riskut për këtë lidhje. Studimi ka përfshirë 122 individë me MetS (rast) dhe 366 individë të shëndetshëm (kontroll).

Indeksi i pllakës, thellësia e sondimit, niveli i sulmit klinik dhe gjakrrjedhja gjatë sondimit janë vlerësuar nëpërmjet një ekzaminimi periodontal integral. Lidhja ndërmjet variblave të riskut, MetS dhe periodontitit është testuar nëpërmjet analizës univariate dhe regresionit logjistik multivariate.

Rezultatet

Në studim është vënë re një prevalencë më e madhe e periodontitit (54,6%) tek individët me sindromën metabolike në krahasim me rastet e kontrollit (45,4%). Variablat e rëndësishme që lidhen me fillimin e periodontitit në modelin logjistik përfundimtar kanë rezultuar: MetS (odds ratio [OR] = 2.02; P = 0,003), numri i dhëmbëve ≤14 (OR = 1,78; P = 0,034) dhe pirja e duhanit (OR = 2,19; P = 0,001).

Konkluzionet

Nga të dhënat e nxjerra nga ky studim, të cilat duhet të konfirmohen edhe në studime të tjera të ngjashme, mund të dalim në konkluzionin që ekziston një lidhje e rëndësishme e riskut ndërmjet sindromës metabolike MetS dhe periodontitit, sepse personat me MetS paraqesin përgjithësisht një gjendje periodontale më të keqe me prevalence më të madhe, gjendje më të rëndë dhe zgjerim të patologjisë.

Implikimet klinike

Rezultatet e këtyre janë një pike e rëndësishme fillimi për studime të fundit perspektive për të stabilizuar lidhjet shkak-efekt ndërmjet MetS dhe periodontitit.

Për më shumë informacion:

Campos JR, Costa FO, Cota LOM. Association between periodontitis and metabolic syndrome: a case-control study. J Periodontol 2020 Jun;91(6):784-91.