Aktiviteti fizik dhe shëndeti oral. Cila është lidhja ndërmjet tyre?

Organizata Botërore e Shëndetësisë (OBSH) e përkufizon shëndetin oral si një gjendje të një goje pa dhimbje në nivelin facial, pa patologji orale dhe pa shqetësime që mund të limitojnë një individ në kafshim, përtypje, kur buzëqesh apo flet si dhe ruan një ekuilibër të përshtatshëm psikologjik.

Është e rëndësishme që të theksojmë se sëmundja orale prek personat e të gjitha moshave dhe lidhet me një barrë më të madhe nga pikëpamja ekonomike. Prandaj është e rëndësishme që të identifikojmë sjelljet që mund të kenë një impakt në shëndetin oral me qëllim që të njihen dhe zbatohen ndërhyrjet e parandalimit.

Një sjellje që mund të lidhet me shëndetin oral por që deri tani nuk ka marrë një vëmendje të madhe në literaturë është edhe aktiviteti fizik.

Tipologjia e kërkimit dhe modaliteti i analizës

Në një studim, të publikuar në British Dental Journal autorët kanë vlerësuar lidhjen ndërmjet niveleve të aktivitetit fizik dhe shëndetit oral te pacientët adultë që banojnë në Spanjë.
Janë analizuar të dhënat transversale të sondazhit shëndetësor kombëtar spanjoll në 2017 (n = 17.777 adultë me moshë ≥15 vjeç; 52% femra). Pyetësori IPAQ (International Physical Activity Questionnaire) është përdorur për të matur aktivitetin fizik individual.
Shëndeti oral është risjellë nëpërmjet 8 variablave. Ko-variablat kanë përfashirë gjininë, moshën, statusin civil, instruksionet, obezitetin, duhanpirjen dhe konsumimin e alkoolit.

Rezultatet

Kariesi dentar (19,8% vs 27,8%), numri i ekstraksioneve dentare (72,7% vs 75,4%), gjakosja gengivale (15,5% vs 19,1%), lëvizshmëria e dhëmbëve (4,3% vs 5,9%) dhe mungesa e dhëmbëve (54,9% vs 62,5%) kanë rezultuar në mënyrë të konsiderueshme në numër më të ulët te grupi i pacientëve që kryenin aktivitet fizik të mjaftueshëm në krahasim me grupin e pacientëve që nuk kryenin aktivitet fizik.

Konkluzionet

Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në përfundimin se aktiviteti fizik është në mënyrë të favorshme i lidhur me disa, por jo me të gjithë faktorët e shëndetit oral. Te pacientët që kryejnë aktivitet fizik rregullisht është ndeshur një numër më i vogël kariesi, patologjish periodontale dhe humbje të elementeve dentarë.

Implikimet klinike

Në bazë të të dhënave të këtij studimi në të ardhmen kërkimi duhet të orientohet më së shumti në hetimin nëse lidhjet që janë gjetur në këtë studim janë të pranishme edhe në popullsitë e tjera duke ndjekur një projektim longitudinal, për të përcaktuar drejtimin ndërmjet këtyre lidhjeve.

Për më shumë informacion:

Guillermo F. Lopez Sanchez, Lee Smith, Ai Koyanagi, Igor Grabovac, Lin Yang, Nicola Veronese, Jae Il Shin, Mike Loosemore, Louis Jacob. Associations between self-reported physical activity and oral health: a cross-sectional analysis in 17,777 Spanish adults. British Dent J 2020 march;228(5):361-5.