Lindja e parakohshme mund të shkaktojë sëmundje periodontale te nëna

Lindja e parakohshme mund t'i bëjë nënat më të prirura për t'u prekur nga sëmundjet periodontale në krahasim me ato që kanë pasur një shtatzëni normale. Në këtë përfundim ka arritur një hulumtim i paraqitur në Europerio10, Kongresi lider në botë në Periodontologji dhe Stomatologji Implantare (EFP) i cili sapo ka përfunduar në Kopenhagen.

"Ne vumë re se gratë që kanë kryer lindje të parakohshme kishin më shpesh gengiva të përflakura, me xhepa dhe humbje të indeve mbështetëse rreth dhëmbëve krahasuar ato me shtatzëni të plota", tha autori i studimit Dr. Valentin Bartha nga Spitali Universitar i Heidelberg, Gjermani.
"Nëse konfirmohen, këto gjetje mund të kenë implikime për parandalimin e lindjes së parakohshme, e cila ndodh në 10% të lindjeve dhe përbën deri në 75% të vdekjeve perinatale dhe mbi 50% të çrregullimeve të zhvillimit te fëmijët".

Ky studim krahasoi nivelet e shqetësimit periodontal te gratë që kishin kryer lindje të parakohshme (para javës së 37-të të shtatzënisë) me ato që kishin kryer lindje normale. U vëzhguan gjithsej 77 gra gjatë gjashtë ditëve të para pas lindjes. Prej tyre, 33 kishin pasur një lindje të parakohshme dhe 44 kishin lindur në kohë. U mblodhën të dhënat për: moshën, zakonet e pirjes së duhanit, kushtet mjekësore, përdorimin e barnave, moshën gjestacionale në momentin e lindjes dhe peshën e lindjes.

Gjakderdhja e gengivave u vlerësua në katër vende rreth secilit dhëmb për të vlerësuar inflamacionin e mishrave të dhëmbëve. Përveç kësaj, studiuesit ekzaminuan thellësinë e sulkut gingival dhe humbjen e lidhjes në gjashtë vende rreth secilit dhëmb.

Mostrat e pllakës u mblodhën në sipërfaqen e dhëmbit dhe te pacientet me thellësi sondë më të madhe se 3 mm në xhepat gengival në vende të ndryshme në zgavrën e gojës. Studiuesit më pas përdorën sekuencën e gjenit 16S rRNA për të identifikuar speciet bakteriale bazuar në informacionin e tyre gjenetik.
Krahasuar me ato të grave me lindje normale, gratë me lindje të parakohshme kishin humbje dukshëm më të madhe të lidhjes, një përqindje më të lartë të thellësisë së kërkimit (mbi 4 mm) dhe popullata të ndryshme bakteriale.

"Ne zbuluam se nënat me lindje të parakohshme kishin më shumë gjasa të kishin humbur indet mbështetëse të dhëmbëve dhe vumë re një përqindje më të lartë të zonave me xhepa të thellë dhe një ekosistem oral të pasur me patogjene krahasuar me nënat që kishin kryer lindje në kohë. Pesha e foshnjës në lindje ishte gjithashtu dukshëm më e ulët për nënat me periodontit sesa për nënat me shëndet të mirë oral ose vetëm gengivit të shkallës së parë, por pa xhepa patologjik. Nevojiten studime më të mëdha për të verifikuar këto rezultate", përfundoi Dr. Bartha.