Infeksionet e rënda odontogjene që kërkojnë hospitalizim

Infeksionet e rënda odontogjene së fundmi, janë kthyer në një arsye të zakonshme për vizitat në dhomën e urgjencës dhe hospitalizimet.

Këto infeksione mund të lokalizohen në zgavrën e gojës dhe të përparojnë përmes rrugës me më pak rezistencë për të përfshirë hapësirat fasciale të kokës dhe qafës.

Ecuria klinike e infeksioneve odontogjene është shumë e paparashikueshme dhe përparimi i tyre në infeksione të rënda odontogjene (SOI) mund të çojë në kompromis të rrugëve të frymëmarrjes, sepsë, mediastinit zbritës, sindromën Lemierre dhe osteomielit.

Në situata të caktuara, infeksionet odontogjene mund të përhapen në atë masë sa të shkaktojnë një përgjigje sistemike inflamatore.

Disa faktorë lokalë dhe sistemikë, duke përfshirë: diabetin melit të pakontrolluar, imunosupresionin dhe radioterapinë, mund të rrisin rrezikun e pacientit për të përjetuar SOI.

Tipologjia e kërkimit dhe modaliteti i analizës

Në një përmbledhje retrospektive, të botuar në Oral Surgery Oral Medicine Oral Pathology Oral radiology, autorët përcaktuan nëse gjatë hospitalizimit për infeksione të rënda odontogjene nivelet e disa shënjuesve të serumit (proteina C-reaktive [PCR]), numërimi i qelizave të bardha të gjakut (WBC), glukoza dhe temperatura e trupit mund të lidhen me ashpërsinë e infeksioneve.

Në këtë përmbledhje u analizuan pacientët hospitalizuar për trajtimin e infeksioneve të rënda odontogjene (SOI) për një periudhë 5-vjeçare (2016-2020) dhe u caktuan sipas pikës së ashpërsisë (SS) në Grupin A (me rezultatin 5) dhe Grupi B ata me SS <5.

Nivelet e shënjuesve të serumit dhe temperatura në pranim u mblodhën dhe u bënë krahasime midis Grupit A dhe Grupit B për nivelet e shënuesve në serum dhe temperaturën e trupit në pranim me 2-kampion t-test.

Rezultatet

Mesatarja e PCR-së në serum dhe temperatura në pranim midis 2 grupeve nuk ishin statistikisht dhe dukshëm të ndryshme (P> 0,05). Numri mesatar i qelizave të bardha të gjakut dhe glukoza në gjak gjatë pranimit ishin dukshëm të ndryshme midis 2 grupeve (përkatësisht P = 0,001 dhe P = 0,036).

Konkluzionet

Nga të dhënat e këtij rishikimi, të cilat duhet të konfirmohen edhe në studime të tjera të ngjashme, mund të konkludohet se te pacientët e shtruar në spital për infeksione të rënda odontogjene, glicemia dhe rruazat e bardha të gjakut në momentin hospitalizimit janë dukshëm më të larta.
Nga ana tjetër, PCR-ja në serum dhe temperatura e trupit në momentin e pranimit nuk duhet të konsiderohen si tregues adekuat prognostik të ashpërsisë së infeksionit odontogjen.

Implikimet klinike

Identifikimi i niveleve të ndryshme të shënjuesve në serum ose matja e shenjave vitale te pacientët hospitalizuar për infeksione të rënda odontogjene mund të ndihmojë në përcaktimin e ashpërsisë dhe rrjedhës së infeksioneve.

Për më shumë informacion:

Yousef Hammad, Timothy W. Neal, Thomas Schlieve. Admission C-reactive protein, WBC count, glucose, and body temperature in severe odontogenic infections: a retrospective study using severity scores. Oral Surg Oral Med Oral Pathol Oral Radiol giugno 2022;133:639-42).