Ndikimi i izolimit gjatë pandemisë Covid-19 në shëndetin oral të fëmijëve

Nga Lara Figini

Gjatë periudhës së izolimit për shkak të pandemisë Covid-19, në rutinën familjare kanë ndodhur disa ndryshime: prindërit dhe fëmijët qëndruan në shtëpi për një kohë të gjatë dhe fëmijët i zhvilluan orët mësimore online përmes mësimit në distancë, duke pasur marrëdhënie ndërpersonale me miqtë dhe të afërmit vetëm nëpërmjet telefonave celularë ose PC-ve, dhe kohën e lirë e kaluan kryesisht duke luajtur në kompjuter, duke mos qenë në gjendje të kryejnë aktivitete sociale apo fizike/sportive.

Këto ndryshime të stilit të jetesës, së bashku mundësinë e te pasurit ushqime dhe pije me shumicë në shtëpi që fëmijët te mund t'i konsumonin ndërsa luanin lojëra kompjuterike ose për të rriturit ndërsa merrin pjesë në mbledhje të ndryshme online, kanë çuar në vakte dhe ushqime më të shpeshta dhe konsum më të lartë të pijeve me sheqer.

Për më tepër, çdo ndryshim në rutinën e gjumit të fëmijëve (për shembull, zgjimi vonë në mëngjes dhe qëndrimi vonë natën) mund të ketë çuar në ngrënie më të shpeshtë gjatë natës dhe ulje të shpeshtësisë së larjes së dhëmbëve.

Si rezultat, këta fëmijë mund të kenë qenë në rrezik të shtuar të zhvillimit të lezioneve të reja të kariesit.

Tipologjia e kërkimit dhe modaliteti i analizës

Në një studim investigativ, të botuar në The Journal of the American Dental Association, autorët vlerësuan shkallën e ndryshimeve në ruajtjen e shëndetit oral dhe dentar te fëmijët gjatë periudhës së izolimit për shkak të pandemisë Covid-19.

Prindërve iu kërkua t'i përgjigjen në mënyrë anonime një pyetësori që lidhet me ndryshimet në zakonet orale të fëmijëve të tyre, të tilla si shpeshtësia e të ngrënit, pirja dhe larja e dhëmbëve, shenjat e stresit dhe marrja e kujdesit shëndetësor oral gjatë periudhës së izolimit.

Rezultatet

Pyetësorit iu përgjigjën 308 prindër të fëmijëve nga 1 deri në 18 vjeç. Autorët gjetën një lidhje midis bllokimit dhe rritjes së shpeshtësisë së vakteve (ngrënia dhe pirja), zvogëlimit i shpeshtësisë së përdorimit të furçës së dhëmbëve dhe neglizhimin e kujdesit për shëndetin oral.

11% e fëmijëve gjatë izolimit shfaqën shenja më të shpeshta orale të stresit, si çrregullim temporomandibular dhe stomatit aftotik. Megjithëse fëmijët e të gjitha moshave hanin dhe pinin mes vakteve më shpesh, ishin më të vegjlit ata që u diagnostikuan me rritje të lezioneve të kariesit gjatë izolimit (P ¼ .015).

Konkluzionet

Nga të dhënat e këtij studimi, të cilat duhet të konfirmohen edhe në punime të tjera të ngjashme, mund të konkludohet se gjatë izolimit për shkak të pandemisë Covid-19 shumë fëmijë ndryshuan zakonet e tyre të të ngrënit, të pirit dhe larjes së dhëmbëve për keq, gjë që çoi në një rrezik në rritje të zhvillimit të kariesit.

Implikimet klinike

Gjatë vizitave pasuese pas pandemisë, është e domosdoshme të kryhet një intervistë e detajuar në lidhje me ndryshimet në zakonet e mirëmbajtjes së shëndetit oral te fëmijët me rrezik të lartë të kariesit, dentistët duhet të rekomandojnë masa më rigoroze diagnostikuese dhe parandaluese për të shmangur përkeqësimin e higjienës së tyre orale.

Për më tepër, dentistët duhet të vënë më shumë theksin në intervistat motivuese për të ndihmuar fëmijët të rifillojnë një rutinë më të shëndetshme.

Për më shumë informacion:

Gotler M, Oren L, Spierer S, Yarom N, Ashkenazi M. The impact of COVID-19 lockdown on maintenance of children's dental health: a questionnaire-based survey. J Am Dent Assoc maggio 2022:153(5):440-9.