Obeziteti dhe ndikimet në shëndetin oral

Një grup ekspertësh kanadezë kanë publikuar një artikull në JADC-Journal de l'Association Dentaire Canadienne. Në shumë vende të industrializuara obeziteti po merr dimensione gjithnjë e më të mëdha. Nga statistikat është evidentuar edhe një lidhje e fortë ndërmjet difuzionit të obezitetit dhe uljes së statusit social, kulturor dhe ekonomik të popullsisë. Dhe pikërisht nga ky konstatim mendohet se shëndeti oral nuk është një element i huaj për këtë temë: e dimë në fakt që edhe patologjitë stomatologjike janë shumë të përhapura ndërmjet kategorive më shqetësuese të qytetarëve. Zakonet ushqimore të gabuara kanë një pasojë të drejtpërdrejtë mbi statusin e shëndetit të përgjithshëm të personave, obeziteti dhe ndikimet në zgavrën orale janë të menjëhershme dhe me pasoja të dukshme.
Të ardhurat e ulëta ekonomike dhe informacioni i pakët sjellin anashkalimin e parandalimit dhe kujdesit për shëndetin.

Një kërkim i publikuar disa vite më parë nga Joshipura, Willett dhe Douglass te JADA duke analizuar marrëdhënien e edentulisë me ushqyerjen, ka zbuluar se ndërmjet personave që paraqesin edentuli një pjesë e vogël konsumon zarzavate dhe fibra në krahasim me personat që kishin 25 dhëmbë dhe që nga ana tjetër konsumonin rregullisht kalori, kolesterol dhe yndyrna të ngopura. Ndërmjet pasojave të një regjimi ushqimor hiperkalorik dhe hiperlipidik, ka risqe më të mëdha të sëmundjeve kardiovaskulare por edhe të obezitetit.
Nga Departamenti stomatologjik pediatrik i Universitetit të Karolinës Veriore është nxjerrë një alarm për përhapjen e fenomenit ndërmjet fëmijëve dhe adoleshentëve.

Në revistën kanadeze janë ftuar dentistët që të përshtatin masa specifike në përditshmërinë e tyre të praktikës profesionale për parandalimin dhe kontrollin e faktorëve të riskut:
• Ekzaminimi i zakoneve ushqimore të pacientëve në risk.
• Sugjerimet në lidhje me temën e ushqyerjes te pacientët, mundësisht në bashkëpunim me një dietolog.
• Mënyra e shfaqjes në klinikat stomatologjike të manifestimeve ilustruese të parimeve dhe efekteve pozitive të një mënyre ushqyerje.
• Kontrolli i peshës trupore në çdo vizitë, gjithnjë kur bëhet fjalë për pacientët në risk.
• Orientimi i pacientëve drejt mjekëve profesionistë në rast se zbulojnë ndryshime të konsiderueshme në peshë ose në zakonet e të ushqyerit.