Përdorimi i përditshëm i fillit interdentar dhe risku për sëmundje periodontale

Në një studim të publikuar në Journal of Parodontology, vlerësohet prevalenca e përdorimit ditor të fillit interdentar te të rriturit nga 30 vjeç e lart, në Shtetet e Bashkuara, në lidhje me faktorët demografikë dhe të riskut për shëndetin periodontal, përfshirë konsumin e duhanit dhe në prani të diabetit të diagnostikuar. Autorët kanë analizuar të dhënat e 8356 adultëve, në periudhën 2011-2014 në National Health and Nutrition Examination Survey.
Analiza e regresionit logjistik ka ekzaminuar lidhjen midis përdorimit të përditshëm të fillit interdentar dhe faktorëve demografikë e të riskut për sëmundjet periodontale.

Pllaka dentare është një faktor etiologjik në zhvillimin e sëmundjes periodontale kronike dhe heqja ditore e saj çon në një reduktim si të prevalencës ashtu dhe të ashpërsisë së inflamacionit gingival.
Furça nuk arrin ta heqë plotësisht pllakën nga sipërfaqet proksimale prandaj, përdorimi i saj duhet kombinuar rregullisht me atë të fillit interdentar që sipas studimeve të ndryshme të literaturës heq deri në 80% të pllakës interdentare duke përcaktuar një incidencë të mëtejshme të reduktuar të kariesit dhe të sëmundjes periodontale.

Nga rezultatet e këtij studimi është zbuluar se 31,6% (SE = 0,8) e adultëve mbi 30 vjeç referon se përdor fillin interdentar çdo ditë, 36,6% (SE = 0,9) e adultëve referon se e përdor fillin interdentar 1 - 6 herë në javë dhe 31,9% (SE = 0,9) e adultëve referon se nuk e përdor fare fillin interdentar.
Gjithashtu janë evidentuar diferenca domethënëse sipas moshës, seksit, racës, origjinës hispanike, gjendjes sociale, formimit, përdorimit të duhanit dhe pranisë së diabetit. Është vërejtur se duhanpirësit (OR 0,82, IC 95% 0,68, 0,99) e përdorin më pak fillin interdentar ditor në krahasim me jo duhanpirësit. Në fakt nuk është hasur asnjë ndryshim domethënës midis të rriturve me ose pa diabet (OR 0,75, IC 95% 0,52, 1,08).

Sipas konkluiozneve të studimit, afërsisht një e treta e të rriturve amerikanë referon se e përdor fillin interdentar çdo ditë. Femrat, individët me të ardhurat më të larta dhe adultët jo hispanikë aziatikë dhe hispanikë kanë treguar se e përdorin më me ngulm fillin, ndërsa përdorimi më i ulët i tij është zbuluar se është te duhanpirësit.

Rezultatet e këtij studimi janë të kufizuara pasi janë fryt i një pyetësori me vetë raportim dhe hetojnë përdorimin e fillit interdentar vetëm në javën e fundit, e cila mund të mos reflektojë skema afatgjata. Janë të nevojshme studime të mëtejshme për të kuptuar më mirë përdorimin e fillit interdentar në mënyrë të përditshme për periudha më të gjata kohe dhe për të vlerësuar faktorë të tjerë risku që kontribuojnë në sëmundjen periodontale, si dieta dhe gjenetika.