Rasti klinik i restaurimeve direkte të klasës së parë

Nga Simona Chirico

Pacientja 32 vjeç paraqitet në klinikë për të kryer një vizitë stomatologjike sepse ka perceptuar praninë e një kaviteti në nivelin e molarit të parë inferior djathtas.
Anamneza gjenerale rezulton negative. Ekzaminimi objektiv zbulon praninë e një lezioni karioz në ngarkesë të elementit 4.6 dhe një restaurim të vjetër të papërshtatshëm në ngarkesë të 4.7. E gjithë kjo konfirmohet edhe nga ekzaminimi radiografik.
Për më tepër, të dy elementet rezultojnë pozitivë në testin e vitalitetit pulpar, duke ndeshur edhe mungesën e një pulpiti irreversibël. Përsa i përket testit, gjatë perkusionit edhe ai rezulton negativ.
Pacientja referon se kishte të paktën dy vite e gjysmë që nuk paraqitej te stomatologu as për një vizitë kontrolli dhe as për një seancë të higjienës orale. Prandaj është sensibilizuar për rëndësinë e nënshtrimit të kontrolleve periodike, si formë e parandalimit.
Për fat të mirë, përveç një akumulimi të fortë të pllakës dhe tartarit, nuk janë ndeshur problematika të tjera gjatë vizitës.

Plani i trajtimit
Pacientes i është propozuar trajtimi si në vijim:
- seancë e higjienës orale profesionale;
- restaurimet direkte të klasës së parë për 4.6 dhe 4.7.

Në vijim është ilustruar rasti klinik.

Fig. 1 Detajet e dy elementeve në harkadë.

Fig. 2 Bitewing i kuadrantit të parë dhe të katërt për të vlerësuar elementet 4.6 dhe 4.7

Fig. 3 Dy elementet pas aplikimit të digës së gomës, për të izoluar fushën operative.

Fig. 4 Përgatitja e kavitetit për të dy elementet.

Fig. 5, 6 Aplikimi i acidit ortofosforik 35% për 30 sekonda në smalt dhe për 15 sekonda në dentinë.

Fig. 7 Aplikimi i primer për 15 sekonda në 4.6 dhe 4.7.

Fig. 8 Aplikimi i bonding për 20 sekonda në 4.6 dhe 4.7.

Fig. 9 Restaurime direkte te 4.6 dhe 4.7 duke përdorur masat "body".

Fig. 10 Kontrolli klinik i restaurimeve te 4.6 dhe 4.7 pas 1 muaji.

Fig. 11 Kontrolli radiografik i restaurimeve te 4.6 dhe 4.7 pas 1 muaji.

Përktheu: Valbona Spahia

Për të votuar duhet të vendosni kredencialet tuaja në Medikey

Interesant ( 20 votim / mesatar 3 )