Heqja e implantit të prekur nga peri-implantiti, zvendësimi i tij i menjëhershëm me implant BTI dhe ndihma nga PRGF-ENDORET®

Nga Marco Mozzati, Giorgia Gallesio

Pacienti, një burrë 63 vjeç, paraqitet në klinikën tonë për episode të përsëritura abscesi në pjesën e 1.6. Pacienti i ishte nënshtruar ndërhyrjes së pozicionimit implantar në 2008 dhe pas 9 vitesh referonte një histori për abscese të përsëritura dhe gjakrrjedhje gjatë manovrave të higjienës orale në shtëpi.
Në ekzaminimin radiografik evidentohej një rezorbim kockor me krater tipik të peri-implantitit; së bashku me ënjtje dhe skuqje të mukozës peri-implantare që u observua në ekzaminimin klinik, gjakrrjedhje gjatë sondimit dhe qelbëzim të lehtë.
Nga anamneza janë gjetur disa faktorë risku lokalë dhe gjeneralë si: një familjaritet ndaj sëmundjes periodontale (pacienti në 2015 është trajtuar me terapi etiologjike periodontale, për arsye familjare nuk kishte kryer seanca të higjienës orale profesionale periodike përreth 1 vit e gjysmë) dhe një faktor mjedisor si duhanpirja (pacienti pi rreth 15 cigare/ditë).
Pas këtij vlerësimi fillestar dhe diagnozës së peri-implantitit është vendosur për të vijuar me heqjen e implantit 1.6 dhe zëvendësimin e tij të menjëhershëm me implantin BTI me ndihmën e PRGF-ENDORET® për të përmirësuar procesin e osteointegrimit.

Për heqjen atraumatike të implantit me lidhje të brendshme përdoret kit-i Kexim i BTI: kit-i është parashikuar si një çelës që për shkak të shtrëngimit thyen bashkimin ndërmjet kockës dhe implantit duke lehtësuar heqjen. Pasi është zgjedhur mjeti më i përshtatshëm për ekstraksion, vendoset manualisht në lidhjen implantare nëpërmjet grupit dorezë-përshtatës, duke u siguruar për fiksimin e tij në sensin antiorar. Lidhet çelësi i dytë dhe rrotullohet në sensin antiorar derisa implanti hiqet plotësisht.
Procedohet me rregullimin alveolar nëpërmjet sistemit me ultratinguj dhe pozicionohet implanti i ri me ndihmën e PRGF-ENDORET®.

Fig. 1a, b Foto klinike evidenton skuqjen e indeve peri-implantare dhe radiografia intraorale tregon një rezorbim kockor me krater të implantit në pjesën 1.6.

Fig. 1c Për heqjen atraumatike të implantit me lidhje të brendshme në pjesën 1.6 është përdorur kit-i Kexim i BTI

Figg. 1d-f Pasi është hequr implanti, është proceduar me rregullimin alveolar nëpërmjet sistemit me ultratinguj dhe është pozicionuar implanti i ri me ndihmën e PRGF-ENDORET®.