Thjeshtësimi i restaurimit direkt: është e mundur të kemi sukses duke përdorur një kompozitë monokromatike?

Nga Edorado Young Fossati

Restorativa moderne gjithnjë e më shumë po adresohet drejt një thjeshtësimi të fluksit të punës operative, në kërkim të rezultateve të shkëlqyera të arrira në kohë të reduktuara.
Inovacioni i vazhdueshëm, veçanërisht i dukshëm në materialet restorative, po na jep mundësinë neve mjekëve që të arrijmë rezultate surprizuese qoftë nga pikëpamja estetike qoftë nga ajo mekanike, duke na lejuar që të ndjekim restaurimet që disa vite më parë mund t'i arrinim vetëm nëpërmjet flukseve të punës të artikuluara dhe të bazuara në një numër shumë të lartë produktesh restorative.
Objektivi i këtij artikulli është evidentimi i thjeshtësisë me të cilën mund të arrihen rezultate më shumë se të pranueshme në restaurimin direkt, duke përdorur vetëm 3 produkte: një adeziv, një kompozitë flowable dhe një kompozitë të thjeshtë.

Restaurimi direkt i 1.6 - 1.5 - 1.4
Pacientja vjen në klinikën tonë duke u ankuar për ndjeshmëri në regjionin 1.4 pas konsumimit të pijeve apo ushqimeve të ftohta. Elementi i prekur rezulton pozitiv ndaj testit të vitalitetit, duke gjeneruar pak dhimbje që zhduket spontanisht pas disa sekondave. Testi i perkusionit dhe sondimi fiziologjik rezultojnë negativ.
Kryhen dy radiografi bitewings (fig. 1) që evidentojnë tre regjione karioze te 1.4, 1.5 dhe 1.6, pa përfshirjen e indit pulpar që rezulton vital te të gjithë elementet.

Fig. 1 Rx bite-wing fillestar. Evidentohen radiotransparenca kompatibile me lezionet karioze te 1.6, 1.5 dhe 1.4

Trajtimi parashikon tre restaurime direkte në kompozitë në kavitetin e klasës II të Black, që kryhen në një seancë të vetme. Kryhet izolimi i fushës operative nga 1.7 deri te 1.1 (fig. 2-4).

Fig. 2-4 Situata klinike fillestare, hapja fillestare e kaviteteve që evidenton lezionet karioze. Heqja e lezioneve karioze dhe kavitetet e përgatitura dhe të pastruara, gati për materialin restaurues.

Pasi janë hequr lezionet karioze, kavitetet duhen restauruar janë të klasës II meziale te 1.6, meziale te 1.5 dhe distale te 1.4. Për më tepër te 1.5 në pjesën distale ishte i pranishëm një lezion karioz që nuk prekte kreshtën marginale: duke hequr atë, restaurimi që do të kryhet do të jetë plotësisht i përfshirë në paretin proksimal distal.
Pastrimi i të gjitha kaviteteve përfundohet me përdorimin e Airflow® me pjesëza glicine.
Është kryer një adezion universal me IBond Universal® dhe një gërryerje paraprake selektive e smaltit me acid ortofosforik 37%.
Janë pozicionuar matricat seksionale metalike anatomike ndërmjet 1.5 dhe 1.4. Përpara pozicionimit të matricës seksionale meziale te 1.6 plotësohet restaurimi distal te 1.5, duke zgjedhur përdorimin e Venus® Bulk Fill: kaviteti konfigurohet si një klasë II pa prekje okluzale, por nga pikëpamja e C-Factor rezulton si një klasë I (jashtëzakonisht e pafavorshme). Prandaj është zgjedhur një kompozitë me kontraktim të ulët.
Më pas vendoset një matricë seksionale edhe meziale te 1.6 dhe pasi janë përshtatur të gjitha në mënyrën e duhur janë ndërtuar paretet proksimale(fig. 5-7) duke përdorur kompozitën monokromatike Venus Pearl One® të Kulzer.

Fig. 5-7 Faza adezive me teknikën self-etch dhe gërryerja paraprake e smaltit. Restaurimi në Bulk Fill i kavitetit distal te 1.5, apikal në kreshtën marginale pa prekjen e saj.

Ndërtimi i kreshtave marginale
Mbulohet dentina e të gjithë elementeve me një shtresë 0,5 mm kompozitë Venus® Bulk Fill. Një shtresë e dytë e Venus® Bulk Fill pozicionohet në brendësi të kavitetit, duke lënë një hapësirë okluzale rreth 2 mm.
Modelimi okluzal plotësohet me një shtresë të vetme të Venus Pearl One® dhe më pas me polimerizim, aplikohet njolla kafe për të përmirësuar kamuflazhin e kompozitëse (fig. 8, 9).

Fig. 8, 9 Plotësimi i fazave të modelimit dhe aplikimi i njollave. Fotografia pas kontrollit mujor është bërë pas rihidratimit të indeve.

Më pas është kryer një polimerizim i fundit në xhelin air-blocking. Është plotësuar një lustrim nën digën që më pas është hequr. Kryhet kontrolli okluzal dhe përfundohet lustrimi. Në kontrollin mujor është kryer një rx periapikale (fig. 10) dhe një foto e rihidratimit.

Fig. 10 Rx përfundimtar e kryer në follow up-in pas një 1 muaji nga kryerja e restaurimit

Diskutime
Përdorimi i një kompozite kompakte për restaurimin e pjesës më të madhe të elementeve posteriorë ka qenë gjithmonë një sfidë për t'u fituar.
Ajo që del nga përdorimi i një produkti si Venus Pearl One® është kapaciteti i saj i madh i integrimit kromatik, veçanërisht evident kur vendoset kompozita në kavitet (që rezulton fillimisht shumë e qartë).
Disa sekonda pas fillimit të fazave të modelimit, ngjyra e materialit do të kthehet në një ngjyrë të ngjashme me atë të dhëmbit ku është vendosur: edhe masa e dentinës nën kompozitën Venus Pearl One® shkakton një ndryshim të ngjyrës së restaurimit përfundimtar. Ky aspekt mund të shfrytëzohet dhe përdoret për të arritur rezultate kromatike të ndryshme duke mbajtur sidoqoftë një kompozitë të vetme kompakte.
Për më tepër, materiali, shërben për një modelim të kujdesshëm, për shkak të aftësisë së tij për të qëndruar mjaft i ngurtë gjatë fazës së përpunimit dhe që është mjaft i ndjeshëm ndaj dritës së jashtme në krahasim me produktet e tjera (punimi për një kohë të gjatë në një fushë operative me shumë dritë).

Konkluzione
Evoluimi i shpejtë i teknologjisë po i lejon stomatologut që të menaxhojë situata restorative komplekse me rrjedhë pune gjithnjë e më të thjeshta dhe efikase.
Si për shembull një kompozitë që është mjaft e punueshme, ka një kapacitet të mirë të mos kthehet në xhel nëse i nënshtrohet ndriçimit tipik të një llampe dhe sidomos ka kapacitet të reflektojë ngjyrën e materialit që e rrethon.
Venus Pearl One® rezulton pra të jetë një produkt i shkëlqyer për restorativën direkte posteriore, në gjendje për të përmbushur kërkesat klinike në restaurimet me përmasa të vogla dhe mesatare okluzalo-proksimale. Ende duhet vlerësuar mundësia e përdorimit në restorativën direkte anteriore.

Me kontributin e pakushtëzuar të Kulzer.

Përktheu: Valbona Spahia