Recesioni gingivar: sa pacientë e vënë re që e kanë dhe si influencon në cilësinë e jetës së tyre?

Në një studim të publikuar në ”Acta Odontologica Scandinavica”, autorët kanë vlerësuar ndërgjegjësimin e pacientëve rreth recesioneve gingivare, impaktin në cilësinë e jetës së tyre në lidhje me shëndetin oral dhe modalitetin e pranimit të trajtimit të sugjeruar

Nga Lara Figini

Recesioni gingivar ka një etiologji komplekse dhe multifaktoriale, godet më shumë se 50% të popullsisë, mund të jetë me ose pa simptoma dhe karakterizohet nga eskpozimi i sipërfaqes radikolare nëpërmjet migrimit apikal të margos gingivare përtej junksionit smalt-cement.
Është një gjendje e shpeshtë klinike, që mund të jetë e lokalizuar ose e gjeneralizuar dhe mund të shfaqet te popullsitë me karakteristika të ndryshme socio-ekonomike qoftë me standarde të larta qoftë të ulëta të higjienës orale.
Megjithatë, pjesa më e madhe e pacientëve mund të mos jenë në dijeni që kanë recesione gingivare, sepse shpesh janë asimptomatike.
Trajtimi i recesioneve gingivare synon jo vetëm të rehabilitojë aspektin estetik, por edhe të eliminojë simptomat e recesionit, si hiperndjeshmëri termike.

Tipologjia e kërkimit dhe modaliteti i analizës
Në një studim, të publikuar në "Acta Odontologica Scandinavica" në gusht 2020, autorët kanë vlerësuar ndërgjegjshmërinë e pacientëve për recesionet e tyre gingivare (GR), impaktin e GR në cilësinë e jetës së tyre në lidhje me shëndetin oral (OHRQoL) dhe mënyrën e pranimit të trajtimit të sugjeruar.
Ky studim transversal është kryer në 205 pacientë. Është kryer ekzaminimi i plotë i gojës dhe janë regjistruar parametrat klinikë. Recesionet gingivare dhe pakënaqësitë që lidhen me to janë vlerësuar dhe janë sigjeruar trajtime. Është regjistruar edhe pranimi ose jo nga ana e pacientit, i trajtimit të sugjeruar.
Pacientët kanë plotësuar një pyetësor për të vlerësuar cilësinë e jetës në lidhje me shëndetin oral (OHRQoL-UK) për shkak të GR. Të dhënat janë analizuar me testin T të pavarur dhe testin U Mann-Whitney.

Rezultate
Janë ekzaminuar 147 pacientë, 4819 dhëmbë dhe 733 GR. 57 pacientë nuk janë të vetëdijshëm që kanë recesione gingivare. 88,78% kanë manifestuar një bindje të fortë se GR ka një farë impakti në shëndetin e tyre oral dhe që ato progredojnë (86,34%).

Janë preferuar modalitete jo invazive kurdo që pacientët kishin shqetësime. Rezultatet kanë zbuluar se hiperndjeshmëria redukton pikët e OHRQoL-UK, siç janë problematikat estetike.

Konkluzione
Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në konkluzionin se pacientët mund të mos e vënë re që kanë recesione gingivare dhe që faktorët që lidhen me GR mund të çojnë në një reduktim të OHRQoL.

Implikime klinike
Stomatologët duhet të punojnë për të përmirësuar ndërgjegjësimin e pacientëve të tyre rreth recesioneve gingivare, përveçse të përqendrohen në trajtimin e tyre dhe duhet të përmirësojnë shëndetin periodontal nëpërmjet terapive që synojnë eliminimin e shqetësimeve që lidhen me GR.

Për më shumë informacione:
Merve Yýlmaz, Bahar Füsun Oduncuoðlu, Mediha Nur Niþancý Yýlmaz. Evaluation of patients' perception of gingival recession, its impact on oral health-related quality of life, and acceptance of treatment plan. Acta Odontol Scand 2020 Aug;78(6):454-62.

Përktheu: Valbona Spahia