Analiza in vitro e implanteve me diametër të reduktuar

Nga Lara Figini

Ndonjëherë në fushën implanto-protetike, edhe përballë implanteve plotësisht të osteointegruar, ekziston risku i rezorbimit kockor në regjionet peri-implantare, i aktivizuar ose nga infeksionet bakteriale ose nga një mbingarkesë mastikatore.
Mbingarkesa është shpesh rezultati i një shpërndarjeje jo eficiente të stresit nga okluzioni, ose i një projektimi apo një pozicionimi të papërshtatshëm. Në këtë kontekst, një zonë më e madhe kontakti kockë-implant (BIC) mund të reduktojë riskun e mbingarkesës në kockën peri-implantare duke përmirësuar deintegrimin dhe duke arritur një shpërndarje më të ekuilibruar të stresit.
Ndërmjet opsioneve që duhen ndjekur për këtë objektiv, shtimi i diametrit të implantit ka treguar se është një strategji suksesi.

Por ekzistojnë disa situata klinike, si në rastet e kreshtave alveolare të ngushta dhe pjesëve me hapësirë të limituar për vendosjen e implanteve me diametër standard (SDI), ku nëse duam të evitojmë procedurat e shtimit kockor duhet të kryejmë vendosjen e implanteve me diametër të ngushtë (NDI).
Edhe pse disa studime të follow up -it kanë treguar norma të ngjashme mbijetese për NDI dhe implantet me diametër standard (SDI), është afirmuar që rezistenca e NDI është më e vogël se 25% në krahasim me atë të implanteve standarde SDI (Olate, 2010) dhe që risku i frakturave nga lodhja shtohet kur përdoren fiksues me diametër të reduktuar. Megjithatë, dihet që efekti i shpërndarjes së ngarkesës që lidhet me protezat e mbështetura në shumë implante (të quajtura edhe proteza të splintuara) ofron avantazhe mekanike.

Tipologjia e kërkimit dhe modaliteti i analizës
Në një studim in vitro, të publikuar në Dental Materials në korrik 2020, autorët kanë proceduar me analizën e elementeve të përfunduar (FEA) për të përcaktuar nëse risqet e lidhura me NDI mund të zbuten nga avantazhet mekanike që ofrohen nga koncepti i splintimit.
Për këtë qëllim, një model tridimensional (3D) i një nofulle reale është rindërtuar nga imazhet e tomografisë së kompjuterizuar (CT) dhe janë krijuar implante të ndryshme (NDI ose implante të ngushtë, RDI ose implante me diametër normal dhe WDI ose implante me diametër të gjerë) dhe proteza duke përdorur instrumente me projektim të drejtuar nga kompjuteri (CAD).
Forcat e kafshimit janë stimuluar te protezat që i korrespondojnë tre zgjidhjeve të ndryshme rehabilitative: restaurimi me një implant, ura mbi tre njësi dhe trajtimi all-on-four. Është llogaritur shpërndarja e stresit përreth implanteve dhe mbingarkesa e kockës është kuantifikuar në brendësi të volumeve peri-implantare.

Rezultate
Rezultatet e këtij studimi in vitro konfirmojnë avantazhet mekanike të konceptit të splintimit: vëllimi peri-implantare i ngarkuar përreth NDI të splintuar me anë të urës me 3 njësi ka rezultuar në mënyrë të konsiderueshme i reduktuar në krahasim me gjendjen e pasplintuar dhe sidomos është treguar edhe më i reduktuar përreth implanteve të pasplintuar me një diametër më të madh (RDI).
Megjithatë, NDI të splintuar të mbështetur nga një protezë all-on-four kanë zbuluar një risk më të lartë të mbingarkesës, për shkak të shtimit të stresit nga shtypja e gjeneruar përreth implantit kur ngarkohet molari i spostuar.

Konkluzione
Nga të dhënat e nxjerra nga ky studim in vitro, që duhet të konfirmohetn me punime të tjera laboratorike dhe klinike, mund të dalim në konkluzionin se NDI (me diametër 3,0 mm) të splintuar paraqesin një sasi zonash të mbingarkuara edhe më të reduktuar në krahasim me implantet me diametër më të madh (RDI, diametri 3,5 mm) të pasplintuar.

Implikime klinike
Mjeku duhet të marrë në konsideratë që situatat me trashësi të reduktuar të kreshtës alveolare, ku për motive të ndryshme duhet të shmangin trajtimet e shtimit kockor, mund të shfrytëzojnë implantet me diametër të reduktuar por në formë të splintuar.
Avantazhet mekanike që vijnë nga situatat e splintuara janë të pamjaftueshme për të balancuar nivelet e larta të stresit kur ngarkeohet molari i spostuar i një overdenture all-on-four të mbështetur nga NDI.

Për më shumë:
-Olate S, Lyrio MCN, de Moraes M, Mazzonetto R, MoreiraRWF. Influence of diameter and length of implant on early dental implant failure. J Oral Maxillofac Surg 2010;68:414-9.
-Valera-Jiménez JF, Burgueño-Barris G, Gómez-González S, López-López J, Valmaseda-Castellón E, Fernández-Aguado E. Finite element analysis of narrow dental implants. Dental Materials 2020;36(7):927-35.

Përktheu: Valbona Spahia