Cila pajisje është më efektive për pastrimin interdentar?

Giulia Palandrani

Heqja e pllakës dentare çdo ditë është konsideruar e rëndësishme për ruajtjen e shëndetit oral dhe parandalimin e sëmundjeve periodontale dhe kariesit dentar.
Njerëzit në mënyrë rutinore përdorin furçat për të hequr pllakën dentare supragingivale, por furçat nuk janë në gjendje që të penetrojnë zonën interdentare ku zhvillohen fillimisht sëmundjet periodontale. Krahas larjes me furçë edhe pajisje të ndryshme interdentare ndihmojnë në heqjen e pllakës, për shembull, filli dentar ose furçat interdentare janë gjerësisht të disponueshme dhe shpesh rekomandohen për përdorim shtesë përveç larjes me furçë.
Objektivi i këtij rishikimi është vlerësimi i efektivitetit të pastrimit interdentar të përdorur në shtëpi, përveç larjes me furçë, krahasuar vetëm me larjen me furçë, për parandalimin dhe kontrollimin e sëmundjeve periodontale, kariesit dhe pllakës.

Rezultate
Ky rishikim ka përfshirë 35 testime të kontrolluara të randomizuara(RCTs) me një total prej 3929 pjësmarrësish. Larja me furçë u krye nga të gjithë pjesëmarrësit në studime. Pjesëmarrësit në 33 nga 35 studime kanë përdorur një furçë manuale, ndërsa 2 të tjerët kanë përdoru furçë elektrike. Studimet kanë vlerësuar përdorimin e fillit dentar, kunjave të dhëmbëve (druri apo gome) dhe irrigimit oral për të hequr pllakën nga dhëmbët.
Evidenca me siguri të ulët kanë sugjeruar se filli dentar mund të reduktojë gingivitin dhe që furçat interdentare mund të reduktojnë pllakën më shumë sesa kur përdoret vetëm furça e dhëmbëve.
Furçat interdentare duket se reduktojnë gingivitin më shumë sesa filli dentar.
Evidenca me siguri shumë të ulët sugjerojnë që përdorimi i një furçe interdentare, përveç përdorimit të furçës së dhëmbëve, si edhe irrigimi oral mund të reduktojnë gingivitin.
Sidoqoftë, irrigimi oral nuk duket se redukton sasinë e pllakës më shumë sesa furça e dhëmbëve.

Konkluzione
Përdorimi i fillit ose i furçave interdentare përveç furçave të dhëmbëve mund të reduktojë gingivitin dhe/ose pllakën, më shumë sesa furçimi i thjeshtë. Furçat interdentare mund të jenë më efektive sesa filli. Evidencat e disponueshme për pastrimin e dhëmbëve me kunja dhe për irriguesit oralë janë të limituara dhe të paqëndrueshme. Në përgjithësi, evidencat janë me siguri të ulët apo shumë të ulët dhe rezultatet ishin matur më së shumti në efektin afatshkurtër.

Për më shumë informacione: Home use of interdental cleaning devices, in addition to toothbrushing, for preventing and controlling periodontal diseases and dental caries.

Përktheu: Valbona Spahia