Rehabilitimi estetik i sektorit anterior inferior nëpërmjet restaurimeve direkte

Nga Elio Boschetti

Një paciente 25 vjeç ka pritshmëri të mëdha estetike. Pacientja paraqet një inflamacion të lehtë gingival, disa lezione karioze, erozion dhe abrazion dentar, agenesis të të dy incizivëve lateralë maksilarë dhe okluzion edge to edge në sektorin anterior (fig. 1, 2).

Fig. 1 Pamja fillestare OVJ dhe OVB

Fig. 2 Pamja e sektorit anterior inferior

Pasi janë identifikuar shkaqet e gërryerjes dentare dhe janë rikthyer në gjendje të shëndetshme indet dentare dhe periodontale është hartuar plani i trajtimit që parashikon ngritjen e dimensionit vertikal nëpërmjet restaurimeve adezive indirekte në harkadën superiore, restaurime adezive direkte të elementeve anteriorë inferiorë dhe adezivë indirekt të atyre posteriorë.
Nëpërmjet fazës së mock-up kryhet një vlerësim estetik, fonetik dhe funksional. Sapo përmbushen parametrat e fiksuar më parë kryhen procedurat e zbardhimit të jashtëm dentar dhe më pas restaurimeve definitve.
Pacientja kishte shprehur dëshirën edhe për drejtimin e elementeve anteriorë; por është hequr nga opsionet trajtimi ortodontik për shkak të pamundësisë për të vestibularizuar incizivët për arsyet okluzale që u përshkruan më lart, për të shmangur reduktimin interproksimal të shënuar (IPR) ose ekstraksionin e një apo më shumë elementeve (eventualitet që do të impononte një plan trajtimi plotësisht ndryshe dhe që do të sillte një kohë trajtimi më të zgjatur).
Elementet anteriore mandibulare rehabilitohen pra nëpërmjet restaurimeve direkte në kompozitë për shkak të mundësisë për të kryer një qasje invaziviteti (pothuajse) zero.
Pasi është kryer IPR minimale e nevojshme për vendosjen e matricave (fig. 3) paretet interproksimale rikonstruktohen duke përdorur matricat seksionale metalike super të holla (Slick Bands XR) duke i rrotulluar me 90° siç përshkruhet edhe nga doktor Luca Tacchini.

Fig. 3 Restaurimi i paretit interproksimal

Matricat përshtaten dhe vihen me kujdes kunjat (fig. 4).

Fig. 4 Restaurimet direkte anteriore inferiore përpara fazës së gdhendjes dhe lustrimit

Në fund, gjatë takimit të dytë forma e restaurimeve gdhendet nëpërmjet përdorimit të strishave dhe disqeve abrazivë dhe krijohet tekstura e sipërfaqeve me frezat e Arkansas; lustrimi bëhet nëpërmjet gominave prej silikoni dhe pastës së diamantuar me furçë me qime dhie (fig. 5).

Fig. 5 Restaurimet direkte anteriore post-lustrim

Nëpërmjet studimit të morfologjisë dentare, një projekt i saktë dhe një menaxhim i kujdesshëm i matricave të elementeve anteriorë dhe inferiorë restaurohen në mënyrë që të përmbushen parametrat estetikë dhe funksionalë të fiksuar më parë në planin e trajtimit (fig. 6, 7).