Rigjenerimet e indit të udhëhequra nga faktorët e rritjes në defektet kockore periodontale: krahasimi i dy metodikave inovative

Nga Lara Figini

Në dhjetëvjeçarët e fundit, përqendrimet trobocitare (PC) që janë marrë nga kampionet e gjakut autogjen janë shfaqur si biomateriale të mundshme rigjeneruese, ndërmjet të cilave reditet plasma e pasuruar me trombocite (PRP) dhe plazma e pasuruar me faktorët e rritjes (PRGF). Nga viti 2001 fibrina e pasuruar me trombocite PRF është përdorur gjerësisht në stomatologji për shkak të një shumëllojshmërie të procedurave që tregojnë efikasitetin e saj për rigjenerimin e indeve.
Në 2014, duke zvogëluar shpejtësinë e centrifugimit nga 2700 rpm (750 g) në 1300 rpm (200 g), është krijuar një formulim më i mirë i PRF me një numër më të madh leukocitesh të shpërndara në mënyrë unforme në të gjithë koagulin më të butë. Ky formulim i ri i PRF ka marrë emrin "fibrinë trombocitare e avancuar" (A-PRF).
Nga ana tjetër, kërkimi ka futur një formulim me bazë fibrine të pasuruar me një koncentrat të faktorit të rritjes (CGF).

Tipologjia e kërkimit dhe modaliteti i analizës
Në një studim të publikuar në Journal of Periodontology në prill 2020, autorët kanë krahasuar nivelet e faktorëve të rritjes të lëshuar nga A-PRF dhe CGF dhe efikasitetin e tyre klinik në menaxhimin rigjenerativ të defekteve intrakockore (IBD).
Tridhjetë e dy kampione gjaku janë grumbulluar nga tetë dhurues të shëndetshëm dhe është vlerësuar faktori i rritjes që vjen nga trombocitet - thellësia e sondimit (PD) dhe niveli i sulmit klinik (CAL) janë regjistruar përpara ndërhyrjes dhe 6 muaj më pas. Janë vlerësuar në mënyrë radiografike thellësia e komponentit intrakockor (IC), niveli kockor (RBL) dhe mbushja e defektit kockor.

Rezultate
Grupi i pacientëve të trajtuar me A-PRF ka treguar formimin e një rrjete fibrine më fleksibël në krahasim me atë të grupit të pacientëve të trajtuar me CGF, por ka paraqitur një sasi më të madhe të faktorëve të rritjes me një periudhë lëshimi më të mbështetur. Megjithatë, nuk është regjistruar ndonjë diferencë statistikisht e konsiderueshme ndërmjet këtyre dy grupeve eksperimentale në reduktimin e PD, fitimin e CAL, variacionin e lartësisë së RBL dhe mbushjes së defekteve (%). Të dy grupet eksperimentale kanë arritur një resultat klinik më të favorshëm në IC dhe mbushjen e defekteve (%) në krahasim me grupin e kontrollit.

Konkluzione
Nga të dhënat që dalin nga ky studim, që duhet të konfirmohen me punime të tjera analoge, mund të dalim në përfundimin se trajtimet periodontale me A-PRF dhe CGF kanë aftësinë që të stimulojnë një lëshim të vazhdueshëm dhe konstant të faktorëve të rritjes totale për një periudhë 14 ditore.

Implikime klinike
A-PRF dhe CGF tregojnë një efikasitet të ngjashëm në rigjenerimin kockor periodontal me një avantazh të mundshëm dhe përmirësim të rezultateve të rigjenerimit të drejtuar indor GTR në trajtimin e defekteve intrakockore IBD.

Për më shumë informacione:
Lihong Lei, Yuanyuan Yu, Jiayin Han, Danhui Shi, Weilian Sun, Diya Zhang, Lili Chen. Quantification of growth factors in advanced platelet-rich fibrin and concentrated growth factors and their clinical efficacy as adjunctive to the GTR procedure in periodontal intrabony defects. J Periodontol 2020 Apr;91(4):462-72.

Përktheu: Valbona Spahia