Restaurim interproksimal direkt i elementit 1.5 me sistemin Composi-Tigh® 3D Fusion™

Nga Michele Palazzo

Menaxhimi i hapësirës interproksimale në konservativë është gjithmonë delikat dhe i vështirë nëse nuk përshtaten teknika dhe sisteme efikase.
Padyshim ndërmjet kriticitetit është aksesi i reduktuar që limiton mundësinë e rindërhyrjes në rastin e tepricave ose nevojës për të ripunuar në nivelin e shkallës cervikale.
Merceologjia i ofron në ditët e sotme profesionistit instrumente të ndryshme që lejojnë krijimin e supozimeve për të riprodhuar pikën e kontaktit në mënyrë efikase pa qenë nevoja që të ndërhyhet më pas në mënyrë të konsiderueshme në rikonstruktimin e fundit.
Sistemi i matricave seksionale Composi-Tight® 3D Fusion™ ofron zgjidhjen optimale edhe për sfidën më impenjative të klasës II duke lejuar realizimin e pikave të sakta të kontaktit dhe një anatomie ideale të elementit dentar përveç lehtësimit dhe shpejtësisë së kryerjes së veprimit.
Në rastin e paraqitur në këtë artikull, kemi të bëjmë me kryerjen e një restaurimi interproksimal me sistemin e matricave seksionale me unaza ndarëse dhe kunja Composi-Tight® 3D FusionTM.
Pacienti paraqet karies penetrues (D3) në elementin 1.5 distal.

Fig. 1: Pozicionohet diga e gomës.

Fig. 2 Pozicionohet kunji me matricë me qëllim që të mbrojë dhëmbin ngjitur.

Fig. 3 Kaviteti është përgatitur, kariesi është hequr dhe margot kavitare janë ripunuar.

Fig. 4 Kunji dhe matrica janë hequr për të punuar më mirë shkallën cervikale dhe për të vlerësuar llojin e kunjit të përdorur.

Fig. 5 Me qëllim që të përmirësohet përshtatja e matricës përdoret një strishë abrazive plastike me kokrrizim mesatar.

Fig. 6 Pozicionohet një matricë Fusion FX175 dhe vendoset një kunj Fusion FXOR nga ana vestibulare për të favorizuar mbylljen e matricës në këndin ndërmjet shkallës cervikale dhe murit të aksit pulpar-vestibular, duke e vështirësuar rrotullimin e elementit 1.5 (fig. 6).

Fig. 7 Pozicionohet unaza ndarëse FX400. Vihet re përshtatja perfekte e matricës me muret e aksit dhe shkallën cervikale. Përshtatja me shkallën cervikale bëhet falë veprimit të krahut prej silikoni të kunjit (fig. 7).

Fig. 8 Në figurë paraqitet një tjetër inkuadrim që evidenton thellësinë e kavitetit të pastruar.

Fig. 9 Pamja vestibulare pas fazës së aplikimit të bonding, që shtrihet me një fryrje të lehtë ajrit dhe në të njëjtën kohë aspirohet për të favorizuar daljen e tepricave.

Fig. 10 Faza adezive përfundon me polimerizimin e një shtrese të hollë të kompozitës fluide.

Fig. 11 Rikonstruktohet muri interproksimal dhe kreshta marginale me një vendosje të vetme të kompozitës.

Fig. 12 Në këtë figurë tregohet restaurimi pas shtresëzimit dhe aplikimit të super ngjyrës. Unaza ndarëse është hequr sapo është polimerizuar muri interproksimal.

Fig. 13 Restaurimi pas reduktimit dhe gdhendjes përfundimtare me disqet abrazive, frezat e diamantuara 40 mikron dhe gominat browny; vihet re sesi kreshta marginale është lehtësisht e punueshme falë udhëzimeve të matricës anatomike, pa u prekur zona e kontaktit nga instrumentet.

Me kontributin e pakushtëzuar të Garrison Dental

Përktheu: Valbona Spahia