Jetëgjatësia e silantëve okluzalë: të dhënat e një meta-analize të fundit

Një nga shtyllat e parandalimit të kariesit okluzal është aplikimi i parakoshëm i silantëve për gropëzat dhe fisurat. Llojet e silantëve në treg janë të ndryshëm, nga ato auto-polimerizues, tek ato që lëshojnë fluor.
Së fundmi, është futur një grup i ri i silantëve adezivë me primer. Këto silantë formohen në monomerë funksionalë acidë, që në të njëjtën kohë gdhendin smaltin dhe krijojnë një kompozitë adezive në shtresën prizmatike të jashtme.
Ky trajtim synon që të shmangë trajtimin me acid konvencional duke reduktuar kohën e aplikumit e duke sjellë një rehati më të madhe për pacientin, një faktor ky veçanërisht i rëndësishëm në stomatologjinë pediatrike.

Tipologjia e kërkimit dhe modaliteti i analizës
Në një rishikim sistematik, të publikuar në Dental Materials në maj 2020, autorët kanë krahasuar forcën e ritensionit dhe mbijetesën e silantëve me primer në krahasim me atë të silantëve konvencionalë.
Autorët kanë kryer një kërkim bibliografik nëpërmjet Medline, Embase dhe Central të të gjitha studimeve përkatëse dhe kanë identifikuar 3707 abstrakte të publikuar përpara 31/12/2017, nga ku 335 publikime klinike janë analizuar me detaje. Një total prej 67 studimesh përfshinin informacione mbi ritensionin e silantëve pas 24, 36 ose 60 muajsh follow up. Është kryer një meta-analizë duke përdorur një model efektesh shkakësore për të llogaritur vlerësimin total të normave të ritensionit për pesë grupe silantësh.

Rezultate
Silantët me primer kanë treguar një normë ritensioni RRE për 2 vjet me 43,2% (IC në 95%), në mënyrë të konsiderueshme më të ulët sesa ai i silantëve auto-polimerizues (80,8%, IC në 95%) dhe ai i silantëve foto-polimerizues (68,4%, IC në 95%: 60,2-76,7).
Silantët që lëshojnë fluor dhe polimeret e lehta kanë treguar RRE më të larta për 3 vite (86,4%, IC në 95% dhe 83,1%, IC në 95%, respektivisht).

Konkluzione
Nga të dhënat e nxjerra nga ky rishikim, që duhet të konfirmohen me punime të tjera analoge, mund të dalim në përfundimin se silantët me primer nuk mund të jenë ende plotësisht të rekomanduar për praktikën klinike për shkak të normave të tyre të moderuara të mbijetesës.

Implikime klinike
Silantët auto-polimerizues, polimerikë të lehtë dhe me lëshim të fluorit vazhdojnë të konsiderohen si standardi i referimit për parandalimin e kariesit okluzal.
Megjithatë, zhvillimet e ardhshme të këtyre materialeve mund të ndryshojnë këtë perspektivë.

Për më shumë informacione:
Kühnischa J, Bedira A, Lo Y-F, Kessler A, Lang T, Mansmann U, Heinrich-Weltzien R, Hickel R. Meta-analysis of the longevity of commonly used pit and fissure sealant materials. Dental Materials 2020;36:e158-68.

Përktheu: Valbona Spahia