Gingiviti luftohet edhe në farmaci

Përfitimet nga aplikimi lokal i një xheli ortodontik metronidazoli, farmacisti indikon formulën për përgatitjen galenike

Gingiviti është një gjendje inflamatore reversibël e gingivave. Në vetvete kjo gjendje mund të trajtohet me praktika normale të higjienës orale dhe nëpërmjet pastrimit profesional të rregullt të praktikuar nga dentisti.
Por kjo gjendje nuk duhet anashkaluar për shkak të pasojave që mund të provokojë.

Në fakt mund të kalojmë nga një inflamacion reversibël i gingivave në një periodontit irreversibël.
E në këto kushte, infeksioni subgingival i mbështetur nga baktere anaerobe ka shkuar deri në pikën që ka shkaktuar një përgjigje inflamatore që ka rezorbuar indin kockor që mban dhëmbët, duke zbuluar pjesën pa smalt. Në këto situata ndjeshmëria dentare rritet për shkak të pranisë së mikrosporeve në dentinë dhe në cementin dentar, që lejojnë kalimin e stimujve si i ftohti, i ngrohti apo acidet duke u perceptuar si dhimbje. Në këtë kuadër, një rol të rëndësishëm mund ta kenë aplikimet lokale të metronidazolit.

Ky derivat 5-nitromidazolik ka aftësinë që të reduktohet në mjedis bukal, me formim të një aktivi të ndërmjetëm me efekt inhibitor ose shkatërrues të ADN-së. Mundet që të bllokojë sintezën e ADN-së bakteriale ose të shpërbëjë strukturën helikoidale. Te bakteret anaerobe metronidazoli mund të inhibojë edhe proceset e tjera oksido-reduktues të nevojshëm për jetën e këtyre mikrobeve si reaksioni fosfoklastik te Clostridia.

Aplikimi dhe ruajtja e xhelit
Aplikimi i xhelit të metronidazolit në fushën ortodontike është vlerësuar në një studim të Tarli e Owlia: duke i shtuar pastrimit normal profesional administrimin e xhelit të metronidazolit, studiuesit kanë observuar një reduktim të kolonive bakteriale (Porphyromonas gingivalis), një reduktim të thellësisë së sondimit dhe gjakrrjedhjes spontane. Xheli që rezulton më efikas edhe në trajtimin e absceseve dentare në praktikën galenike, aspekti që nuk duhet nënvlerësuar është ruajtja e xhelit. Metronidazoli ka disa karakteristika qëndrueshmërie: kur ekspozohet ndaj dritës ai errësohet. Prandaj këshillohet përdorimi i recipientëve që mbrojnë xhelin nga ekspozimi në dritë. Një masë tjetër paraprake është prania e joneve të aluminit: me këto masa principi aktiv mund të reagojë duke zhvilluar një ngjyrim kafe në të kuqe.

Një shikim i fundit: pH, për të lejuar një lëshim më të mirë të principit aktiv, duhet të tamponohet me vlera pak acide. Nga pikëpamja reologjike, xheli ka një lidhje të kundërt ndërmjet përhapjes dhe adezivitetit të tij.

Duke qenë një xhel për aplikim lokal, si ëmbëlsues mund të përdoret sorbitoli që nuk modifikon lëshimin e medikamentit. E rëndësishme është të mos përdoret një tensioaktiv anionik sepse mund të reduktojë lëshimin e barit.

Shembull formulimi:
Materiale: Provëz, pH-metër, shkop xhami, peshore, havan
Metronidazol 0,05 gr
Propilen glikol 5 gr
Xhel karbomer aq sa nevojitet për 100 gr
Në një provëz hedhim xhelin e karbomerit. Në 100 gr ujë hedhim 2gr karbopol, pra shtrojmë NAOH 10% me pika derisa neutralizohet. Ndërkohë që në një havan hidhet metronidazoli te glikoli. Shtohet xheli neutral i karbomerit duke u përzier me shtypësin derisa përftohet një masë homogjene. Përveç ëmbëlsuesit mund të shtoni edhe një aromë për të maskuar shijen e metronidazolit. Për të përgatitur këtë masë kërkohet një recetë që mund të përsëritet. Për fat të mirë, absorbimi nëpërmjet mukozave është reduktuar por në pjesën e aplikimit nuk mund të përjashtohet një absorbim oral, evidentohet mundësia e efektit të ngjashëm me disulfiram kur gëlltitet alkooli.

Luca Guizzon: Farmacist klinik territorial, ekspert i fitoterapisë, farmacia Campedello, Vincenza- për Farmacista33

Për më tepër: J Dent (Tehran).2012 Winter; 9(1):50-8.
Arch Pharm Res.2011 Jun; 34(6):931-40. Doi: 10.1007/s12272-011-0610-5.
Eur Arch Paediatr Dent.2014 Feb; 15(1):19-26. Doi: 10.1007/s40368-013-0047-2.

Përktheu: Valbona Spahia