Trajtimi i recesioneve gingivale: efikasiteti i matricës ksenogjenike të kolagjenit

Nga Lara Figini

Trajtimet terapeutike që janë propozuar në literaturë për të rritur vëllimin e indeve të buta te recesionet gingivale janë të shumta dhe për shumë vite përdorimi i grafteve të indit lidhor (CTG) bashkë me kryerjen e një lembo koronar (CAF) është konsideruar standardi i artë për mbulimin e rrënjës (RC) te recesionet gingivale të Miller.

Megjithatë, disponibiliteti i limituar në zonat dhuruese për grumbullimin e CTG autogjene, sëmundshmëria post-operative, vështirësia për të kontrolluar gjakrrjedhjen në disa pjesë dhuruese kanë sjellë me kalimin e kohës justifikimin e aplikimeve të teknikave adjuvante si ato që shfrytëzojnë biomaterialet me origjinë alogjenike dhe ksenogjenike.

Këto teknika dhe këto materiale kanë si qëllim që të përmirësojnë gjerësinë e indit të keratinizuar, duke kontribuar në shmangien e sëmundjes së pjesës dhuruese.

Tipologjia e kërkimit dhe modaliteti i analizës
Në një rishikim sistematik, të publikuar në Acta Odontologica Scandinavica në gusht 2019, autorët kanë vlerësuar efektet e aplikimit të matricës së kolagjenit ksenogjenik (XCM) te pacientët me recesione gingivale të klasës I ose II të Miller.

Autorët kanë ekzaminuar të gjithë artikujt e literaturës që janë publikuar përpara marsit 2018 nëpërmjet katër databazave elektronike pa ndonjë kufizim linguistik dhe kanë kërkuar manualisht në revistat periodike dhe në literaturën gri.

Kriteret e pranueshmërisë përfshinin studime të randomizuar të kontrolluar (RCT) dhe studime perspektivë të kontrolluar me periudha follow-up - i prej 6 muajsh apo më shumë që kishin krahasuar shërbimet e XCM në trajtimin e recesioneve gingivale të klasës I ose II të Miller.

Rezultate
Nëntë RCT të publikuar nga viti 2010 deri në 2018 janë përfshirë në rishikimin përfundimtar. Përqindja e mbulimit të rrënjës (RC) ka rezultuar në mënyrë të konsiderueshme më e lartë (p. ¼ .0003) kurdo që recesionet gingivale janë trajtuar me metodikën XCM në krahasim me atë që arrihet vetëm me lembon apo me avancimin e kurorës (CAF).

Për më tepër, parametrat e gjerësisë së mukozës së keratinizuar (KMW) (p ¼ .006) dhe trashësia gingivale (GT) (p ¼ .0003) kanë rezultuar të përmirësuara në rastet e trajtuara me XCM në krahasim me ata që janë trajtuar me CAF. Nuk është ndeshur ndonjë diferencë statistikisht e rëndësishme (p ¼ .22) ndërmjet nivelit të sulmit klinik (CAL) të arritur me metodikën XCM në krahasim me atë të arritur vetëm me CAF.

Nuk është evidentuar ndonjë diferencë e konsiderueshme në përqindjen e mbulimit radikolar (RC) që është arritur me XCM në krahasim me atë që arrihet nëpërmjet grafteve të indit lidhor (CTG) (p ¼ .09) dhe në smaltin që vjen nga matrica (EMD) (p. 1/4 .62); megjithatë, XCM ka prodhuar një RC më të ulët se CTG në trajtimin e recesioneve gingivale të klasës I ose II të Miller.

Konkluzione
Në bazë të të dhënave të nxjerra nga ky rishikim, që duhet të konfirmohen me punime të tjera analoge, mund të dalim në konkluzionin që metodika që parandalon aplikimin e matricës së kolagjenit ksenogjenik (XCM) përmirëson përqindjen e mbulimit radikolar (RC), parametrat e gjerësisë së mukozës së keratinizuar (KMW) dhe trashësisë gingivale (GT) në trajtimin e recesioneve gingivale në krahasim me trajtimin tradicional që parashikon një lembo me avancim të kurorës CAF dhe mund të konsiderohet një alternativë e vlefshme edhe për graftet lidhore (CTG).

Implikime klinike
Në rastet e recesioneve gingivale të shumta, ku materiali nga pjesët dhuruese është i pakët, mjeku mund të marrë në konsideratë metodikën e aplikimit të matricës së kolagjenit ksenogjenik sepse prodhon rezultate që mbivendosen me ato të grafteve të CTG.

Për më shumë informacione:
Moraschini V, de Almeida DCF, Sartoretto S, Bailly Guimarães H, Chaves Cavalcante I, Diuana Calasans-Maia M. Clinical efficacy of xenogeneic collagen matrix in the treatment of gingival recession: a systematic review and meta-analysis. Acta Odontol Scand 2019 Aug;77(6):457-67

Përktheu: Valbona Spahia