Lidhja e pastrimit interdentar dhe periodontitit tek adultët

Nga Alessandra Abbà

Periodontiti është gjendja kronike e zakonshme që karakterizohet nga inflamacioni dhe humbja e indeve mbështetëse. Zhvillimi i periodontitit lidhet edhe me rritjen e moshës, sëmundjes, statusit të ulët ekonomik, shpeshtësinë e vizitave tek dentisti, pirjen e duhanit dhe konsumimin e alkoolit. Megjithatë, pllaka dentare është shkaku kryesor i gingivitit dhe periodontitit.

Përbërja e mikroflorës ndryshon me kalimin e kohës për shkak të një serie ndërveprimesh komplekse dhe zinxhiri mikrobial. Heqja mekanike e pllakës interproksimale, duke përdorur fillin interdentar, mund të jetë e mjaftueshme për të ndaluar procesin e zinxhirit mikrobial që lidhet me inflamacionin dhe fillimin e sëmundjes.

Tipologjia e kërkimit dhe modaliteti i analizës
Një studim transversal i publikuar në Journal of Clinical Periodontology në 2017 ka kërkuar që të ekzaminojë lidhjen ndërmjet fillit interdentar dhe periodontitit.

Ky studim transversal përdor National Health and Nutrition Examination Survey (NHANES). Autorët kanë përfshirë në këtë studim individë me moshë 30 vjeç e lart që i janë nënshtruar ekzaminimit periodontal (të bazuar në matjet e humbjes së atashmentit dhe thellësisë së xhepit) dhe që i janë përgjigjur pyetjes mbi frekuencën e përdorimit të fillit interdentar. Në bazë të përgjigjeve, janë identifikuar tre kategori: nga 0 deri në 1 ditë, nga 2 deri në 4 ditë dhe nga 5 ose më shumë ditë në javën e fundit. Janë llogaritur raportet e probabilitetit që kontrollojnë moshën, seksin, duhanpirjen, konsumin e pijeve, të ardhurave dhe vizitat te dentisti.

Me qëllim që të analizohet lidhja ndërmjet fillit interdentar dhe periodontitit, është ndërtuar një regresion logjistik dhe janë llogaritur raportet e probabilitetit (OR) të parregulluar dhe të përshtatshëm. Variablat ishin: frekuenca e fillit interdentar, mosha, seksi, duhanpirja, konsumi i alkoolit dhe frekuenca e vizitave te dentisti.

Për të përballuar çështjen e lidhjes ndërmjet mospërdorimit të fillit interdentar me periodontitin, janë krijuar dy kategori: asnjë përdorim i fillit interdentar në javën e mëparshme dhe përdorim i fillit të paktën një herë gjatë javës së mëparshme.

Rezultate
Janë përfshirë një total prej 6939 individësh adultë. Nga këta, 35% ka përdorur fillin interdentar më shumë se njëherë gjatë javës së shkuar. Meshkujt, individët më të rinj, duhanpirësit aktualë, individët me të ardhura më të ulëta dhe individët që vizitohen rrallë te një dentist kanë përdorur fillin interdentar më rrallë. 40% e individëve kishin periodontit. Një përqindje më e lartë e individëve që përdornin fillin interdentar jo më shumë se njëherë në javë paraqisnin periodontit në krahasim me individët që përdornin fillin interdentar më shpesh.

Pas rregullimit, probabilitetet e periodontitit kanë rezultuar më të ulëta se 17% për individët që përdornin fillin interdentar >1 herë në javë në krahasim me individët që përdornin më rrallë fillin (raporti i probabilitetit = 0,83, IC në 95% 0,72-0,97). Pas rregullimit të faktorëve të rrezikut të vendosur dhe fillit dentar, u zbulua se burrat janë dy herë më të predispozuar se gratë që të kenë periodontit. Në krahasim me individët me moshë nga 30 deri në 49 vjeç, individët më të moshuar kishin probabilitet më të madh që të kenë periodontit. Për shembull, tek individët me moshë 65 vjeç ose më shumë është ndeshur një probabilitet tre herë më i madh. Jo duhanpirësit dhe ish duhanpirësit kishin probabilitete më të ulëta që të kishin periodontit në krahasim me duhanpirësit aktualë. Probabilitetet ishin më të ulëta se 69% për jo duhanpirësit në krahasim me duhanpirësit. Megjithatë, ish-pijedashësit kishin mundësi më të larta për të pasur periodontit, në krahasim me pijedashësit aktualë.

Probabilitetet për të pasur periodontit ishin më të ulëta se 70% tek individët me të ardhura më të larta në krahasim me ata me të ardhura të ulëta. Vizita te një dentist në vitin e fundit është lidhur me probabilitete më të ulëta për periodontit, në krahasim me individët që nuk vizitoheshin kurrë ose vizitoheshin rrallë te një dentist. Analizat në të cilat kategoria e referimit nuk përdorte një fill interdentar (në vend që të përdoret filli jo më shumë se një herë në javë) ka ofruar rezultate të ngjashme. Në krahasim me mungesën e përdorimit të fillit interdentar, ata që e përdornin 1 ose më shumë ditë në javë kishin probabilitete të reduktuara për të pasur periodontit me 23%.

Konkluzione
Siç mund të evidentohet nga studimi, përdorimi i fillit interdentar përcakton një prevalencë të vogël të periodontitit: një seri variablash (si mosha e madhe, gjinia mashkullore, duhanpirja, rroga e ulët dhe vizitat stomatologjike më të rralla) janë lidhur me një prevalencë më të madhe të periodontitit.

Megjithatë, është verifikuar përfitimi nga filli interdentar tek individët e prekur nga kjo patologji. Pavarësisht kësaj, duke qenë se ky është një studim transversal, nuk është e mundur që të vendoset një marrëdhënie shkakësore ndërmjet përdorimit të fillit interdentar dhe periodontitit.

Për më tepër:
Cepeda MS, Weinstein R, Blacketer C, Lynch MC. Association of flossing/inter‐dental cleaning and periodontitis in adults. J Clin Periodontol 2017 Sep;44(9):866-71.

Përktheu: Valbona Spahia